Kryeministri Edi Rama ka ndarë një video të vlerësimit të prestigjiozes botërore “The Lancet”, cila vlerëson sistemin e shëndetësisë të shteteve.
Shqipëria është vlerësuar me 70 pikë dhe mban më shumë pikë se vendet e tjera të rajonit dhe në një grup me disa nga vendet lindore të Bashkimit Evropian.
Videoja nis me një deklaratë të Partisë Demokratike në të cilën thuhet se sistemi i shëndetësisë në Shqipëri ka dështuar duke renditur disa nga gabimet e qeverisë. Më pas duke treguar artikullin e ‘The Lancet’, në video shihet tabela me pikë e cila tregon se Shqipëria ka grumbulluar 70 pikë, duke e bërë atë vendin me vlerësimin më të lartë në rajon.
Krahas videos, Kryeministri shkruan: MIRËMËNGJES ?
dhe me këtë vlerësim kuptimplotë për punën tonë transformuese për shëndetësinë nga prestigjozja botërore “Lancet”, e mirënjohur për nivelin e lartë të kompetencës profesionale mbi sektorin e shëndetësisë, e cila e rendit Shqipërinë me pikët më të larta në rajon dhe në një grup me disa nga vendet lindore të Bashkimit Europian, ju uroj një ditë të mbarë.”
