I fundit në një varg sondazhesh shumë të këqija për Presidentin Trump vjen nga Pew Research Center, një sondazh me gati 12,000 të anketuar, që tregon Joe Biden që kryeson me 10 pikë.
Ndërkohë, Trump po humbet terren. Siç raporton New York Times: Në një rast tjetër Presidenti dhe ekipi i tij do të përpiqeshin të shmangin panikun, do të ishin të gatshëm të provojnë pothuajse gjithçka për ta kthyer këtë garë.
Megjithatë, presidenti nuk është fare i gatshëm të provojë pothuajse asgjë. Përgjigja e tij për gjendjen e tij aktuale politike është të bëjë pikërisht atë që ka bërë, vetëm më shumë.
Çdo këshilltar i arsyeshëm do t’i thoshte Trump të bënte disa gjëra tani.
Prandaj mendoni se sa e çuditshme është që Trump ka hedhur poshtë idenë e pjesëmarrjes në një debat virtual me Biden.
Nëse nuk ka më debate, kjo do të ishte në rregull për fushatën e Biden. Por Trump është ai që ka nevojë për diçka dramatike në ditët e mbylljes së garës; një debat është një nga mundësitë më të mira për ta realizuar atë.
Megjithatë, sipas raportimit nga The Post Disa ndihmës kanë luftuar për ta bërë Trump të kuptojë se një debat, i cili ka të ngjarë të tërheqë më shumë se 60 milion shikues, është shumë më ndikues sesa një tubim që transmetohet ekskluzivisht për një audiencë të Fox News me më pak se 4 milion.
Kështu që Trump po kalon kohën e tij duke u thirrur në programet e Fox, duke shkruar në tweet-in e tij çmendurisht, dhe duke u përpjekur të bindë njerëzit që Hillary Clinton e përgatiti atë për skandalin e Rusisë në 2016.
Sa votues mendoni se Trump do të ndikojë në atë mënyrë?
Është sikur ai po bën gjithçka që është e mundur për të larguar votuesit e lëkundur dhe për të siguruar mbështetësit e tij më të tërbuar se ata ende duhet ta duan atë.
Shpjegimi më i mirë për të gjitha këto është se Trump mund të ketë marrë shumë mirë mësimin e fitores së tij në 2016.
Një politikan më me përvojë i cili kishte kaluar nëpër shumë gara mund të ketë menduar më gjerë për strategjitë që mund të funksionojnë në një kohë si kjo.
Por Trump kandidoi vetëm një herë në detyrë.
Trump padyshim që beson se strategjia e tij e vitit 2016 jo vetëm që ishte e përsosur, por gjithashtu është edhe e vetmja mënyrë që ai të fitojë.
Dhe ndërkohë që data e zgjedhjeve afrohet, Trump ndoshta do të bëhet më i zemëruar dhe vendimmarrja e tij gjithnjë e më pak racionale. Ndihmësit e tij do tí luten për të provuar diçka ndryshe.
Dhe ai do të thotë: “Ju e dini se çfarë mendoj se do të bëj?Bëj disa posime në Twitter në lidhje me Hillary, e quaj Kamala Harris ‘një përbindësh’ përsëri, pastaj jap një intervistë tjetër për Hannity”.
Mund të funksionojë, gjithçka është e mundur, dhe e ardhmja është gjithmonë e vështirë të parashikohet me siguri.
Por edhe mbështetësit e Trump mund të fillojnë të dyshojnë…
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
Rivali i Trumpit akuzohet për racizëm
Biden: Kina do ketë në dorë SHBA, nëse…
Kina, Rusia dhe Irani po ndërhyjnë në fushatën zgjedhore
