Perspektivat e ardhshme të çdo udhëheqësi të fortë shpesh bien në dy zgjedhje: kalimi i garantuar i sigurt në jetën civile me mbrojtje ligjore, ose udhëheqja e përjetshme.
Vladimir Putin, i cili do të shënojë 21 vjet në krye të Rusisë në janar, ka krijuar një situatë ku ai duhet të zgjedhë njërën ose tjetrën.
Pëshpëritjet për largimin e liderit rus nga Kremlini u shtuan këtë javë, pasi parlamenti i vendit vulosi një ligj që jep imunitet nga hetimi ose ndjekja penale ish-presidentëve dhe familjeve të tyre.
Sidoqoftë spekulimet nëse lëvizja sinjalizon një pension të parakohshëm për Putin injoron një ligj tjetër, i miratuar gjithashtu këtë vit, që lejon presidentin 68-vjeçar të qeverisë për 12 vjet më shumë pasi ky mandat, i katërti i tij, të përfundojë në 2024.
Tatiana Stanovaya, një analiste politike ruse, mendon se është e natyrshme që Putin të kërkojë komoditetin e mbrojtjes nëse presidenca e tij përfundon, por nuk ka asnjë lidhje midis legjislacionit të ri dhe planeve të tij të mundshme të daljes në pension.
“Ajo që mund të themi tani është se ai bën gjithçka që ne të mos kuptojmë kur ai do të japë dorëheqjen,” tha ajo.
Të dy pjesët e legjislacionit, të paraqitura në një rishkrim të kushtetutës të propozuar nga Putin në pranverë, janë të paqarta.
Udhëheqësit rus i pëlqen t’u japë të njëjtat përgjegjësi dy personave në dy punë të ndryshme; ai shpesh u delegon detyra dy njerëzve.
Një qasje e tillë i jep atij fleksibilitet dhe mundësi nëse individët ose iniciativat dështojnë.
Të dy ligjet, i përshtaten kësaj qasjeje. Aktualisht, përdorimi i levës së dytë duket më i mundshëm se i pari, sipas analistëve.
Parashikimi se kur Putin do të tërhiqet ose kujt mund të transferojë pushtetin nuk është më lojë argëtuese. Mbështetësit e tij hedhin poshtë premisën e diskutimit dhe kritikët e tij kanë gabuar shumë herë.
“Presidenca ime duhet të përfundojë patjetër një ditë, unë jam krejtësisht i vetëdijshëm për këtë,” tha Putin muajin e kaluar. “Për atë që do të ndodhë në 2024 ose më vonë; do të shohim kur të vijë koha. Tani të gjithë thjesht duhet të punojmë shumë. ”
Putini di të menaxhojë tranzicionet presidenciale. Kur Boris Yeltsin, presidenti i parë i Rusisë, u përpoq të hiqte dorë, zgjedhja e tij e Putin si pasardhës u bazua pjesërisht në një premtim se ai dhe familja e tij do të mbroheshin. Putin e ka respektuar këtë premtim.
Pastaj kur ai mbaroi dy mandate në 2008, ai ia besoi Kremlinin Dmitry Medvedev, të besuarit të tij. Medvedev dorëzoi rregullisht pushtetin në 2012.
“Ai mund të gjente një pasardhës më parë, dhe mund ta bëjë edhe sot” tha zonja Stanovaya.
Derisa Putin të gjejë një mënyrë për të zgjidhur atë enigmë, bisedat për tranzicionin janë të parakohshme. Por tani për tani, nuk ka asnjë dëm në mbajtjen hapur të opsioneve të tij.
Përkthyer dhe përshtatur nga Financial Times/ konica.al
VAZHDO TË LEXOSH MË TEPËR PËR TEMËN
Putin do pushtet të përhershëm, apo ka të tjera plane?
