Kur CNN dhe media të tjera njoftuan se Joe Biden kishte fituar presidencën, mbështetësit Demokratikë në NeW York, Washington dhe Chicago shpërthyen në festimet që zgjatën brenda natës.
Por midis mbështetësve të Presidentit Donald Trump, reagimet ishin të ndryshme mes zemërimit dhe zhgënjimit nga rezultati.
Reporterët e CNN u zhvendosën nëpër rrethe tradicionalisht republikane dhe u ndeshën me dhjetëra mbështetës tejet të pakënaqur të Trump. Ndërsa disa e pranuan me dëshpërim realitetin, shumë të tjerë kishin bindjen se rezultati nuk është përfundimtari, duke u bërë jehonë pretendimeve të pabaza të Presidentit për mashtrim të votuesve.
“Është mashtrim e gjitha”, tha Randy Tovichi, një mbështetës i Trump në Kenosha County, wisconsin, një rajon që mbështeste fortë Trump në 2016 dhe 2020. “Ka patur kaq shumë korrupsion në numërimin e votave,” tha Tovichi. Nuk ka pasur prova të ndonjë mashtrimi midis më shumë se 140 milion votave të hedhura në të gjithë vendin.
Ndërsa disa mbështetës të tjerë thanë:
“Ky është vendi Trump!” bërtiti një burrë jashtë një dyqani në Westmoreland County, Pennsylvania, kur u pyet nga CNN për mendimet e tij mbi zgjedhjet. Një grua që e ndoqi brenda tha se të gjithë ata që njihte në qytet votuan për Trump. “Thjesht të gjithë këtu janë mbështetës të Trump”.
Westmoreland ishte jashtëzakonisht pro-Trump, duke i dhënë Presidentit më shumë se 63% mbështetje dhe Biden vetëm 35%.
Ishte vetëm një diferencë pak më e vogël për Trump në Fauquier County, Virginia, ku ai fitoi 58% nga 40% të Biden. Vetëm një orë jashtë Uashingtonit, Fauquier është territor më rural dhe shumë më konservator sesa periferitë fqinje të brendshme të Virxhinias Veriore. Në një stacion karburanti në selinë e qarkut të Warrenton, disa klientë kishin veshur bluza me Trump 2020.
Pak votues republikanë në Waukesha, Wisconsin, ishin të gatshëm t’i jepnin Biden një shans. “Ai është një idiot,” tha Richard Markëorth, një pensionist.
“Ai është djall”, shtoi gruaja e tij, Shirley Markëorth. “Nuk do të jetë më Amerikë.” Ashtu si vetë Trump, i cili nuk e ka pranuar humbjen, disa votues që folën për CNN nuk ishin të gatshëm të pranonin fitoren e Biden. Shumë fajësuan mediat për ‘nxjerrjen’ e rezultatit shumë shpejt, dhe përsëritën pretendimet e Presidentit për veprimtari mashtruese në numërimin e fletëve të votimit. Në një dyqan kafeje në Tempe, Arizona, një grua e quajti shpalljen e fitores së Biden si “të parakohshme”.
Një qytetar tha për CNN:
“Nuk besoj se fletëvotimet mund të besohen,” tha Chrismer. “Unë mendoj se kemi nevojë për një rivotim, për një rivotim vetëm për personin.”
Një tjetër mbështetëse e Trump tha: “Unë mendoj se kjo do të shkojë në Gjykatën e Lartë,” tha ajo. “Nuk jam e sigurt se si por Trump ka avokatë shumë të fuqishëm, disa nga njerëzit më të mirë në vend, kështu që ata do të gjejnë një mënyrë dhe për këtë jam e sigurt.” Dhe në Wisconsin, ku grupi i Trump po bën thirrje për një rinumërim pasi humbi me afërsisht 20.000 vota, shumica e dhjetëra republikanëve që folën me CNN thanë se nuk u besonin rezultateve të zgjedhjeve. Votuesit republikanë në Ëaukesha ngritën pretendime të errëta rreth mashtrimit të zgjedhjeve, edhe pse zyrtarët jopartiakë të zgjedhjeve në shtet kanë hedhur poshtë shumë prej atyre thashethemeve false.
Disa udhëheqës shtetërorë republikanë në Wisconsin kanë ngritur akuza të pabazuara për mashtrim të votuesve, përfshirë Kryetarin e Asamblesë së Shtetit Robin Vos, i cili ka bërë thirrje për një hetim në mënyrën e trajtimit të zgjedhjeve nga shteti. Zyrtarët e zgjedhjeve jopartiake të Wisconsin kanë thënë se nuk kishte parregullsi në votim dhe u kërkoi banorëve të shtetit të mos besojnë thashethemet në internet për zgjedhjet.
“Media nuk ka të drejtë të japin rezultatin për zgjedhjet,” tha dikush. “Trump ende mund të fitojë”.
Trump fitoi qarkun e Kenosha 50.7% në 47.6% këtë vit, krahasuar me një fitore më të ngushtë 46.9% në 46.5% katër vjet më parë.
Në Chandler, Arizona, një mbështetës i Trump që nuk dha emrin e tij i tha CNN se me Biden si President, “ne do të jemi një vend komunist kjo është ajo që unë shoh në të ardhmen”.
Përkthyer dhe përshtatur nga: CNN/ F.H, konica.al
VAZHDO TË LEXOSH MË TEPËR PËR TEMËN
