Punonjësit shëndetësor përbejnë 3% të popullsisë, megjithatë nga numri i përgjithshëm i infektimeve nga koronavirusi në të gjithë botën ata përbëjnë 14%.
Këtë konstatim dhe fakt e ka thënë Tedros Gebreyesus, kreu i Organizatës Botërore të Shëndetësisë, gjatë një konference ditën e djeshme për media në Gjenevë, transmeton Telegrafi.
“Pandemia COVID-19 është një kujtesë e punës heroike të punonjësve shëndetësor” ka thënë ai duke vënë në dukje punën e palodhshme të tyre dhe rrezikun që ndërmarrin përditë për të shëruar dhe për ti qëndruar sa më pranë pacientëve dhe njerëzve në nevojë.
Tedros, në deklaratën e tij, tha se një nga shqetësimet kryesore të OBSH-së ka qenë të sigurojë që punonjësit shëndetësorë të kenë qasje në pajisjet mbrojtëse personale në mënyrë që mos të vihet në rrezik jeta e punonjësve shëndetësor ashtu edhe e pacientëve.
