Ndërsa ka rreth një orë që ka nisur protesta e qytetarëve për vrasjen e Klodianit, policia ka shoqëruar disa të rinj, adoleshentë.
Forcat Speciale kanë nisur arrestimin të të rinjve të cilët po shkonin drejt Drejtorisë së Policisë së Tiranës.
Efektivët e rendit hodhën gaz lotsjellës në të dy drejtimet e rrugës, duke detyruar turmat të shkojnë nëpër rrugica.
Një pjesë e të rinjve janë shoqëruar nga forcat e tjera që prisnin në rrugicat e rrugës Myslym Shyri.
Ndërkohë që pjesa më e madhe e protestuesve janë shpërndarë.
Ata kanë bërë thirrje në kor, ndërsa ndër të tjera iu kanë kërkuar policëve edhe që të heqin kapelet.
Po ashtu, demonstruesit kanë bërë thirrje që të mos ketë dhunë ndaj policëve.
Me gjithë këto thirrje, policia ka përdorur që në fillim gaz lotsjellës për të shpërndarë turmën e irrituar.
