Zhvillimet e paprecedent të së mërkurës në Tokën e Premtuar, shtangën botën mbarë. Teksa pritet të shkëmbehen, përkrahësit e presidentit në detyrë, Donald Trump, tentuan përmes skenave dhe situatave konfliktuale, kontestimin. Atdheu i demokracisë u pa ditën e djeshme, nën presonin e agresionin që Amerika, nuk e kishte përjetuar, ndoshta, prej shekujsh. Dhuna dhe viktimat shënuan ditën më të shëmtuar të vetë amerikanëve dhe mbarë botës së civilizuar./Konica.al
Janë katër ish-presidentët e Shteteve të Bashkuara të Amerikës, Barack Obama, George W. Bush, Bill Clinton dhe Jimmy Carter, të cilët kanë reaguar menjëherë, pas trazirave në Kongresin Amerikan, ku nga përplasja e protestuesve pro Trump-it, u vranë edhe 4 persona.
Ata bërë kritika ndaj protestuesve që detyruan një evakuimin e Kongresit në SHBA, përmes disa deklaratave të forta, duke theksuar nevojën për një kalimin paqësor të pushtetit.
“Historia, me të drejtë do të kujtojë dhunën e sotme në Capitol, të nxitur nga një president, i cili, ka vazhduar të gënjejë pa baza, për rezultatin e zgjedhjeve të ligjshme, si një moment i çnderimit dhe turpit të madh për kombin tonë. Por, ne do të talleshim me veten, nëse ne do ta trajtonim atë si një befasi” – tha Obama, për pasardhësin e tij dhe kaosin që përfshiu kryeqytetin e kombit, të mërkurën.
Ndërsa George Bush, presidenti i fundit i mëparshëm republikan, tha se “kështu kontestohen rezultatet e zgjedhjeve në një ‘republikë banane’ – jo në republikën tonë demokratike”.
“Jam i tmerruar nga sjellja e pamatur e disa liderëve politikë, që nga zgjedhjet dhe nga mungesa e respektit të treguar sot për institucionet tona, traditat tona dhe zbatimin e ligjit tonë. Sulmi i dhunshëm ndaj Capitolit dhe prishja e takimit të Kongresit u ndërmor nga njerëz, pasionet e të cilëve janë ndezur nga gënjeshtra dhe shpresa të rreme” – shtoi ai.
Ndërsa Clinton, i bëri jehonë këtij mesazhi të mërkurën vonë, duke e quajtur skenën, një sulm të paparë ndaj Capitolit, Kushtetutës dhe vendit.
“Sulmi u ndez nga më shumë se katër vjet politikë helmuese, duke përhapur dezinformata të qëllimshme, duke mbjellë mosbesim në sistemin tonë dhe duke vënë amerikanët kundër njëri-tjetrit. Ai u ndez nga Donald Trump dhe krijuesit e tij më të flaktë, përfshirë shumë në Kongres, për të përmbysur rezultatet e zgjedhjeve që ai humbi” – ishte akuza nga Clinton.
“Zgjedhjet ishin të lira, numërimi ishte i drejtë, rezultati është përfundimtar. Ne duhet të përfundojmë transferimin paqësor të pushtetit për mandatet tona të Kushtetutës”.
Carter, gjithashtu tha, se ai dhe ish-zonja e Parë, Rosalynn Carter, ishin “të shqetësuar” nga ngjarjet e fundit. “Kjo është një tragjedi kombëtare dhe nuk është ajo që ne si komb, përfaqësojmë”, ka thënë ai, ndër të tjera.
VAZHDO TË LEXOSH MË TEPËR PËR TEMËN
“Diktatori i fundit i Europës”, që trazoi botën
“Ti je përgjegjës për vdekjet”, Trump përballet sërish me Biden
