AstraZeneca e Universiteti i Oksfordit, kanë aplikuar për autorizim për vaksinën e tyre kundër COVID-19 në agjencinë evropiane të barnave.
Lajmin e ka bërë me dije edhe presidentja e Komisionit Evropian Ursula von der Leyen me anë të një postimi në rrjetet sociale ku shkruante se vlerësimi i vaksinës do të bëhej me shpejtësi.
“Lajme te mira! AstraZeneca ka aplikuar në EMA për autorizimin e vaksinës në BE. Sapo vaksina të marrë një mendim pozitiv shkencor, ne do të punojmë me shpejtësi të plotë për të autorizuar përdorimin e saj në Evropë,” shkruan Leyen në postimin e saj.
Nëse miratohet nga EMA dhe nga Komisioni Evropian, vaksina AstraZeneca do të bëhej vaksina e tretë ndaj koronavirusit në bllok pas miratimit të vaksinës BioNTech-Pfizer dhe Modernës.
