Andi Bushati iu është shtuar zërave të atyre që e cilësojnë arrestimin e mjekut Edvin Prifti, si politik.
“Ndoshta vërtet, rreth 400 mijë eurot që u gjendën në apartamentin dhe zyrën e tij, mund të jenë nga rryshfetet e pacientëve, ndoshta në bllokun e kardiokirugut shkruheshin realisht emrat e atyre që duhej të paguanin për tu operuar, por pa dashur të mbroj as grimcat më tëvogla të korrupsionit në mjeksi, sërish në këtë arrestim të bujshëm më lindin disa pikpyetje.
Si është e mundur që ndaj Priftit u mor masa e arrestit me burg, kur në përgjime nuk rezultonte as edhe njëherë të vetme që ai të ketë folur me zërin e tij? Pse ai nuk u vu më parë, vetë në përgjim, e pastaj të çohej pas hekuave? Pse për personelin tjetër mjekësor, nuk u ndoq i njëjti standard që goditi atë?
Përgjigjet që të vijnë në mendje për shpjegimin e këtyre dilemave janë dy. Ndodhi kështu sepse për arrestimin e mjekut Prifti foli përpara në media Edi Rama dhe vetëm më pas, u vendos në sallën e gjyqit.
Ndodhi kështu se që në ditët e para të pandemisë, Edvin Prifti, ngriti zërin mediatikisht, me tone kritike, për mënyrat se si po menaxhohej beteja me Covid 19.
Pra askush nuk mund të vërë dorën në zjarr se ai nuk ka bërë korrupsion, por ama një gjë ngre dyshime të mëdha: i vetmi mjek që u ndëshkua për këtë fenomen kaq shumë të përhapur, “qëlloi” të jetë ai që guxoi të kritikojë publikisht masat e qeverisë dhe komitetit të ekspetrëve në betejën kundër Covid-19”, shkruan Bushati.
VAZHDO TË LEXOSH MË TEPËR PËR TEMËN
“Na falni, nuk ditëm!” Profesor Edvin Prifti përkujton 19 mjekët që humbën jetën prej Covid
Gjykata lë në burg mjekun Edvin Prifti dhe gjyqtaren Enkelejda Hoxha
Gjyqtarja e Krujës dhe Edvin Prifti dalin sot në gjykatë
