Data 25 mars shënon edhe fundin e afatit të masave anti-COVID në vend, ndërkohë që ditën e sotme pritet që të rishihen, pasi do të mblidhet Komiteti Teknik i Ekspertëve.
Komiteti Teknik i Ekspertëve pritet që të ketë një deklaratë për mediat në orën 15:00, ku do të komunikohen masat e reja të kufizimeve orare dhe ndryshimet që pritet të ndodhin.
Vetëm një javë më parë u botua në fletoren zyrtare vendimi i Komitetit Shkencor për ndalimin e grumbullimeve për shkak të masave anti-COVID, ku thuhej se grumbullimet ndalohen deri në 25 mars.
Gjykata Kushtetuese pas padisë së Partisë Republikane, e cila kërkonte nga Ministria e Shëndetësisë dhe Komiteti Teknik i Ekspertëve lejimin e grumbullimeve, i kërkoi qeverisë që të vendosë një afat se deri kur do të zbatohen këto masa.
