Presidentja e Komisionit Europian, Usula Von der Layen ka njoftuar, ditën e sotme, se më 17 mars pritet të miratohet propozimi për certifikatat e vaksinimit.
përmes një letre dërguar udhëheqësve europianë, Presidentja e Komisionit kujtoi se në video konferencën që u mbajt në 24 Shkurt kishte një marrëveshje, për të rënë dakord mbi një vizion të përbashkët për të lehtësuar të drejtën e lëvizjes së lirë brenda BE.
Certifikata e vaksinimit kundër COVID-19 do të zbatohet për ata të cilët kanë qenë të vaksinuar, janë testuar negativë ose janë shëruar nga sëmundja.
Ursula von der Leyen thekson se për të ekzistuar një sistem evropian, ai ka nevojë jo vetëm për kornizën ligjore, por edhe për punën teknike, si në nivelin e BE-së dhe të Shtetit Anëtar, për lëshimin e certifikatave nga organet kompetente dhe për t’i verifikuar ato brenda bllokut.
“Baza e qasjes së përbashkët është besimi”, shton Von der Leyen, duke thënë se autoritetet e secilit shtet anëtar kanë nevojë për siguri, se informacioni nga partnerët e tyre është i besueshëm. Duhet gjithashtu të sigurohet që qasja të jetë e kufizuar në sasinë minimale të informacionit që konsiderohet absolutisht i nevojshëm.
Sipas Presidentes së Komisionit, Pasaporta e Gjelbër ose sic njihet gjerësisht certifikata e vaksinimit do të lehtësojë lëvizjen e lirë të qytetarëve që e kanë atë, pa rrezik për shëndetin publik.
Gjithashtu, ata duhet të shmangin diskriminimin ndaj atyre që nuk janë në gjendje të vaksinohen ose për arsye mjekësore ose sepse nuk kanë as të drejtën e programeve kombëtare të imunizimit, por gjithashtu edhe për ata që për shembull kanë një test negativ të koronavirusit dhe nuk konsiderohen si kërcënim për shëndetin publik.
