Në shkurt të këtij viti administrata e Biden kontaktoi në fshehtësi Korenë e Veriut për të vendosur një raport më të mirë pas 4 vitesh raporte të trazuara nën drejtimin e Trump, por si edhe u deklarua të dielën nga SHBA asnjë përgjigje nuk erdhi nga ana e Koresë së Veriut.
Pas deklaratës së bërë publike në media nga SHBA erdhi reagimi përmes motrës së liderit koerano-verior, Lim Jong-un. Ajo lëshoi një paralajmërim kërcënues sipas të cilit nëse Biden ‘dëshiron të flejë i qetë katër vitet e ardhshme’ nuk duhet të ‘turbullojë ujërat’ me Korenë e Veriut duke përhapur deklarata në media që në fillimet e qeverisjes së tij.
Në Shtëpinë e Bardhë, diplomati i lartë Blinken duket se është përqendruar plotësisht në diplomaci dhe denuklearizim për të adresuar ‘shqetësimin kryesor të sigurisë amerikane’ që është Koreae Veriut.
Korea e Veriut mund të fillojë testimin e fluturimit të një projekti të përmirësuar për raketat e saj balistike ndërkontinentale (ICBM) “në të ardhmen e afërt”, tha të martën kreu i Komandës Veriore të ushtrisë amerikane, një veprim që do të rrisë ndjeshëm tensionet midis Pyongyang dhe Uashington duke u referuar edhe në heshtjen e gjatë në përgjigje të Koresë së Veriut dhe njëkohësisht në reagimin kërcënues të motrës së liderit Kim Jong-Un.
Po ashtu kujtojmë se pas zgjedhjes së Biden President Kim Jong-un organizioi një paradë madhështore ku prezantoi një raketë të re balistike dhe publikoi listën e armatimeve bërthamore që ka në plan për të ndërtuar në të ardhmen madje në fjalën e tij deklaroi se SHBA vijon të mbetet armiku kryesor i Koresë së Veriut.
“Regjimi i Koresë së Veriut gjithashtu ka treguar se nuk është më i lidhur me moratoriumin e njëanshëm bërthamor dhe testimin e ICBM të shpallur në 2018, duke sugjeruar që Kim Jong Un mund të fillojë testimin e fluturimit, një dizajn të përmirësuar të ICBM në të ardhmen e afërt,” tha Gjenerali i Forcave Ajrore Glen VanHerck në dëshminë me shkrim përpara Komitetit të Shërbimeve të Armatosura të Senatit.
Komentet u shfaqën bazuar në zbulimin e tetorit të Koresë së Veriut në një paradë të asaj që do të ishte ICBM e saj më e madhe deri në këto momente, dhe jo inteligjencës specifike për një nisje të afërt.
Edhe gjatë qetësisë së provës, udhëheqësi i Koresë së Veriut Kim Jong Un ka bërë thirrje për prodhimin e vazhdueshëm të armëve bërthamore për arsenalin e tij, nisi një seri raketash më të vogla dhe zbuloi atë që do të ishte ICBM më e madhe e Koresë së Veriut ende në paradën e Tetorit.
VanHerck i tha komitetit të Senatit se ICBM “shumë më e madhe dhe me sa duket më e aftë” e Pyongyang rriti më tej kërcënimin për Shtetet e Bashkuara. Akoma, ai shprehu besim në mbrojtjen raketore të SHBA.
Shtëpia e Bardhë konfirmoi raportin e një agjencie të lajmeve Reuters të hënën se ajo ka kërkuar të kontaktojë me Korenë e Veriut por nuk kishte marrë asnjë përgjigje, duke zgjatur një ftohje në marrëdhëniet që filluan në fund të administratës së Donald Trump pavarësisht përpjekjeve të tij për rivendosjen e raporteve.
Akoma, Shtëpia e Bardhë tha të marten se themeli i qasjes së saj ndaj Pyongyang do të jetë diplomacia dhe denuklearizimi.
Sekretari i Shtetit Antony Blinken, së bashku me Sekretarin e Mbrojtjes Lloyd Austin, Ministrin e Jashtëm Japonez Toshimitsu Motegi dhe Ministrin e Mbrojtjes Nobuo Kishi, u thanë gazetarëve në një deklaratë për shtyp se “së bashku, ne po adresojmë shqetësimet thelbësore të sigurisë, duke përfshirë programin e armëve bërthamore të Koresë së Veriut dhe sigurinë detare gjithashtu në të gjithë rajonin”.
Vërejtjet erdhën mes udhëtimit të parë të diplomatit të lartë të SHBA në Korenë e Jugut.
Lajmet shtetërore të Koresë së Veriut raportuan se motra e udhëheqësit të Koresë së Veriut, Kim Yo Jong, kritikoi administratën e Biden për vazhdimin e stërvitjeve ushtarake në Korenë e Jugut.
“Nëse dëshiron të flejë në paqe për katër vitet e ardhshme, do të ishte më mirë të përmbahej nga shkaktimi i një erë të keqe në hapin e saj të pare në pushtet,” tha Kim në një deklaratë të transmetuar nga agjencia shtetërore e lajmeve KCNA.
Stërvitja e përbashkët ushtarake e pranverës SHBA-Kore e Jugut e filluar javën e kaluar ishte e kufizuar në simulme kompjuterike për shkak të rrezikut të koronavirusit, si dhe përpjekjeve të vazhdueshme për t’u angazhuar me Korenë e Veriut.
Përkthyer dhe përshtatur nga Al Jazeera/ F.H, konica.al
VAZHDO TË LEXOSH MË TEPËR PËR TEMËN
