27.04.2021 - 15:47
Kryeministri i Maqedonisë së Veriut Zoran Zaev ka uruar kryeministrin Edi Rama për fitoren në zgjedhjet e 25 prillit.
Urimi i kreut të qeverisë maqedonase për homologun shqiptar është bërë në gjuhën shqipe.
Më herët urime për Ramën erdhën edhe nga presidenti turk Erdogan dhe kryeministri grek Mitsotaqis.
Procesi i numërimit të kutive të votimit në vend po i afrohet fundit. Partia Socialiste ka siguruar deri më tani 74 mandate, duke lënë pas Partinë Demokratike me 59 mandate, LSI-në me 4 mandate dhe PSD-në me 3 depuetë.
Kjo është hera e parë në 30 vite pluralizëm që një parti politike konfirmohet në qeverisje në tre mandate radhazi.
