KAS ka marrë vendim që të pranojë për shqyrtim provat dhe kërkesat ankimore të paraqitura nga palët për zgjedhjet e 25 prillit.
Po ashtu KAS ka rrëzuar kërkesat e PD-LSI për të marrë prova nga institucionet shtetërore si dhe kërkesën e kandidatit Kreshnik Merxhani për prova shtesë.
“KAS u tërhoq në lidhje me provat që palët kanë depozituar së bashku me kërkesat ankimore dhe për të qartësuar, në lidhje me provat, të gjitha ato do të pranohen për shqyrtim. Për kërkesat u vendos rrëzimi i kërkesës së LSI në lidhje me provat që kërkon të merret. Dy anëtarë të KAS i kërkojmë administratës të KQZ ta vërë në dispozicion nëse personat që gjenden në lista janë pjesë e administratës zgjedhore. Në lidhje me kërkesën e PD-AN, po ashtu KAS vendosi me shumicë rrëzimin e kërkesave për marrjen e provave që kërkohen nga ky subjekt. Në lidhje me kërkesat për prova të kandidatit Kreshnik Merxhani u vendos me shumicë votash rrëzimi i kërkesave”, thuhet në vendim.
