“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Cilat infeksione gjatë shtatzënisë ndikojnë tek foshnja?
Mjeku:Lia e dhenve (varicela): një infeksion viral shumë ngjitës që shkakton kruajtje, skuqje dhe flluska, ju së bashku me foshnjën mund të përballeni me rreziqe serioze për shëndetin. Nëse keni varicelë gjatë shtatzënisë, jeni në rrezik për komplikime si pneumonia. Për foshnjën, rreziqet varen nga periudha kur jeni prekur nga lia. Nëse prekeni gjatë 20 javëve të para të shtatzënisë, foshnja përballet me një rrezik të vogël për të pasur defekte serioze në lindje. Megjithatë, është shumë i rrallë si infeksion tek nënat.
Citomegalovirus (herpes): është një virus i zakonshëm, i cili mund të shkaktojë ftohje dhe linë e dhenve. Infeksioni mund të jetë i rrezikshëm gjatë shtatzënisë, pasi mund të shkaktojë probleme për bebin, si: humbje dëgjim, probleme me shikimin ose verbim, vështirësi në të mësuar dhe epilepsi.
Streptokoku i grupit B (mikrobe): ose shkurtimisht strep grupi B, është një lloj i zakonshëm i baktereve. Është një infeksion që rrallë ndodh në shtatzëni, por nëse ndodh gjatë trimestrit të tretë mund të shkaktojë probleme serioze te bebi. Disa nga faktorët që mund të çojnë në infektim të foshnjës janë nëse lindja është e parakohshmë, nëse keni ethe gjatë lindjes,apo nëse ju vetë jeni të infektuar.
Hepatiti B: Hepatiti B është një virus që infekton mëlçinë, shumica e njerëzve me hepatit B nuk shfaqin asnjë shenjë, por ata mund të jenë bartës dhe mund të infektojnë të tjerët. Virusi përhapet duke kryer marrëdhënie seksuale me një person të infektuar pa përdorur masa mbrojtëse. Hepatiti B mund të shkaktojë lindje të parakohshme, peshë të ulët në lindje dhe në raste ekstreme mund të rrezikohet jeta e nënës dhe bebit.
Hepatiti C: Virusi i hepatitit C infekton mëlçinë. Shumë njerëz me hepatit C nuk kanë asnjë simptomë dhe nuk kanë dijeni se janë të infektuar. Hepatiti C mund të merret duke kryer marrëdhënie seksuale me një partner të infektuar, por edhe gjatë vizitave në klinikat mjekësore apo dentare kur frekuentohen nga një person i infektuar. Nëse jeni bartës të këtij virusi, mund ta kloni infeksionin edhe tek foshnja, edhe pse rreziku është më i ulët se hepatiti B ose HIV. Nëse testet tregojnë se edhe foshnja është i infektuar, duhet të referohet tek një mjek specialist.
Herpesi gjenital: mund të jetë i rrezikshëm për një të sapolindur. Herpesi gjenital mund të trasmetohet gjatë kontaktit fizik ose nga seksi oral me një person të prekur nga herpesi. Shenjat fillestare të herpesit gjenital janë dhimbjet dhe djegiet gjatë marrëdhënieve intime. Në rast se i vini re këto shenja, flisni me doktorin për të marrë masat e duhura. Nëse herpesi gjenital ndodh gjatë fillimit të shtatzënisë, është i kurueshëm dhe nuk ka problem për bebin, por nëse ndodh më vonë, është e nevojshme lindja me operacion për të shmangur infektimin e bebit.
HIV në shtatzëni: është një nga infeksionet më të rrezikshme, i cili shkatërron sistemin imunitar. HI*V mund të kalohet tek bebi gjatë shtatzënisë, lindjes, ushqyerjes me gji.
Sëmundja e pestë – prek përgjithësisht fëmijët. Simptoma kryesore është skuqje në të dy faqet. Kjo sëmundje e quajtur ndryshe “Slapped cheek syndrome” është shumë ngjitëse dhe mund të shkaktojë probleme tek foshnjat. Nëse bini në kontakt me një të infektuar, duhet të bëni një analizë gjaku për të kontrolluar nëse jeni imun . Në shumicën e rasteve, foshnjat nuk preket nëse nënat kanë “sëmundje e pestë”.
Rubeola (fruthi gjerman): merret nga rrugët e frymëmarrjes dhe për këtë arsye rreziku i infektimit është i madh. Ndonjëherë kjo sëmundje nuk shfaq simptoma dhe për këtë arsye në shumë raste mund të kalojë pa u kuptuar nga personi i prekur. Nënat, të cilat nuk e kanë kaluar këtë sëmundje dhe infektohen në 4 muajt e parë të shtatzënisë, mund të shkaktojë defekte të lindjes dhe abort spontan.
IST (infeksion seksualisht të transmetueshëm) : shpesh nuk kanë simptoma, por sidoqoftë mund të ndikojnë në shëndetin e fëmijës si gjatë shtatzënisë ashtu edhe pas lindjes.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim
