“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Cilat ushqime përmbajnë më shumë zink?
Mjeku:Gocat E Detit
Gocat e detit kanë nivele tepër të larta të zinkut, po ashtu të proteinave dhe hekurit. Vetëm gjashtë goca deti të gatuara, ju japin 472% të vlerës ditore të rekomaduar të zinkut. Ato gjithashtu sigurojnë 34 % të vlerës ditore për hekur dhe 457 % për vitaminë B12. Vitamina B12 është thelbësore për shëndetin e qelizave dhe ndihmon në parandalimin e anemisë megaloblastike.
Mishi I Viçit
Mishi i viçit përmban shumë lëndë ushqyese si proteina, hekur dhe vitaminë B12. Një biftek (prej 90gr) i gatuar, ju jep 85% të vlerës ditore për zink. Dhe kur bëhet fjalë për mishin e viçit, moderimi është thelbësor. Fondi Botëror i Kërkimit të Kancerit (WCRF) këshillon që të kufizoni marrjen e tij, në jo më shumë se 500 gr në javë. Kjo pasi konsumi i tepërt i mishit të kuq dhe të përpunuar lidhet me një rrezik në rritje të kancerit kolorektal.
Thjerrëzat
Thjerrëzat janë një ushqim i shkëlqyeshëm bimor me shumë zink. Thjerrëzat kontribuojnë në përmirësimin e shëndetit të zemrës falë përmbajtjes të lartë të fibrave.
Spinaqi
Spinaqi, por edhe zarzavatet e tjera me gjethe jeshile, duket se kanë pak nga gjithçka që është e mirë për ju: folat, hekur me bazë bimore, fibra, vitamina A, C, E, K dhe magnez. Por spinaqi, ndodh të jetë një nga pak perimet që kanë përmbajtje të lartë të zinkut. Një 1 filxhan spinaq i gatuar përmban 12% të vlerës ditore për zink, 20 % për vitaminë C dhe 25 % për vitaminë E.
Tërshëra
Tërshëra mund të jetë vërtet mëngjesi i kampionëve. E pasur me karbohidrate komplekse, të cilat ushqejnë muskujt dhe trurin tuaj, ajo përmban 21 % të vlerës ditore për zink, për 1 filxhan të gatuar si edhe 4 gr fibra.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
