“Zjarr në oqean”, pas pesë orësh shuhen flakët

Një fenomen i pabesueshëm ka ndodhur në Gjirin e Meksikës, ku është parë zjarr në mes të oqeanit.

Kompania shtetërore e naftës e Meksikës tha se një zjarr i shkaktuar nga një këputje në një tubacion gazi nënujor në Gjirin e Meksikës tashmë është shuar, por videot që tregojnë përpjekjet për të shuar atë bënë xhiron e rrjetit.

U deshën pesë orë që zjarri të shuhej, sipas kompanisë së naftës, Pemex. Flakët e mëdha portokalli që ngrihen nga uji dhe i ngjajnë llavës së shkrirë janë quajtur “sy i zjarrtë” nga përdoruesit e mediave sociale për shkak të formës rrethore të flakës.