Nga Clare Daly, Cornelia Ernst dhe Sira Rego, euobserver
Bashkimi Europian i ka dyert e lyera me gjak- gjakun e mijëra njerëzve të mbytur në detet dhe në kufijtë e tij. Organizata Ndërkombëtare për Migracionin (IOM) ka vlerësuar se vetëm në Mesdhe 22,726 persona janë zhdukur që nga viti 2014.
Kjo llogaritje në rënie, fsheh historitë dhe fatet e grave, burrave dhe fëmijëve të braktisur nga Europa. Frontex është një nga aktorët kryesorë të politikës së migracionit të BE-së, e bazuar në militarizimin e kufijve dhe dehumanizimin e njerëzve. Ankesat dhe raportet e shumta nga organizatat sociale, si dhe ankesat nga vetë viktimat, zbulojnë rolin e Frontex-it dhe shkeljet e vazhdueshme të të drejtave themelore.
Të enjten me 21 Tetor, eurodeputetët votuan për heqjen e buxhetit të Frontex. Parlamenti Europian nuk mund të jetë bashkëpunëtor. Ne nuk do të jemi bashkëfajtorë. Procedura vjetore e heqjes së buxhetit lejon Parlamentin Europian dhe Këshillin të bëjnë përgjegjës Komisionin dhe agjencitë e tij për zbatimin e buxhetit të BE-së. Gjithashtu, falë këtyre procedurave eurodeputetët mbajnë përgjegjësitë e tyre si zyrtarë të zgjedhur.
Projekti i Bashkimit Europian varet nga të drejtat themelore të dinjitetit, lirisë, barazisë dhe solidaritetit. Ne besojmë se këto vlera nuk mund të qëndrojnë në letër, por duhet të formësojnë politikat dhe veprimet e saj, raporton abcnews.al
Në dritën e kësaj, ne kërkojmë nga kolegët në Parlamentin Europian që të votojnë kundër proçedurave të heqjes së buxhetit të Frontex. Ky është qëndrimi i vetëm i besueshëm për këdo që beson në të drejtat dhe dinjitetin e njeriut.
Ky votim vjen pas një viti veçanërisht të trazuar për Frontex: puna e agjencisë është vënë në pikëpyetje nga avokati i BE-së dhe OLAF vendosi të hapë hetime për punën e agjencisë, ndërsa Parlamenti Europian krijoi një Grup Pune Vëzhgimi për të hetuar më tej operacionet e Frontex.
Në prill, këto akuza i shtynë eurodeputetët të shtyjnë vendimin e BE-së për agjencinë.
A ka ndonjë ndryshim pas gjashtë muajsh?
Në qershor, avokati i popullit përfundoi hetimin e tij mbi agjencinë dhe identifikoi “mangësi dhe vonesa të ndryshme në zbatimin e detyrimeve të tij në lidhje me mekanizmin e ankesave dhe rolin e zyrtarëve për të drejtat themelore”.
Një muaj më vonë, Grupi i Punës të Parlamentit Europian për Frontex publikoi raportin e tij që ofron dëshmi të shkeljeve që po ndodhin në kufijtë e jashtëm të BE-së, duke theksuar se Frontex ishte në dijeni të tyre dhe nuk kishte vepruar.
Agjencia nuk i parandaloi këto shkelje dhe as nuk uli rrezikun e shkeljeve të të drejtave themelore në të ardhmen. Hetimi i OLAF është ende i hapur . Pas gjashtë muajsh, e vetmja siguri që kemi është përgjegjësia e Frontex për humbjen e jetëve në kufijtë e Europës. Me miratimin e vendimit, Parlamenti Europian do të jetë bashkëpunëtor me veprimet e Frontex.
Si një parlament i përgjegjshëm ndaj qytetarëve europianë, ai nuk duhet ta lejojë diçka të tillë.
