“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Përshëndetje! Kam djalin 11 vjeç dhe pi 15.2 litra ujë në ditë, pesha është 72kg. Jam shumë i shqetësuar. E kam pas shtruar dhe e kanë diagnostikuar me diabet isipid. Të gjitha mjekimet që i kanë dhënë mjekët ia kanë ndërprerë sepse ndiente dhimbje koke. Kur i kam pyetur mjekët çfarë të bëj, kanë ngritur supet dhe fjalët e tyre kanë qenë: A ke njeri jashtë shtetit që ta çosh? Jam tepër i shqetësuar për fëmijën, pasi unë jetoj vetëm me dy fëmijët, sepse të ëmën nuk e kanë pranë që prej 7vitesh. Ju lutem, çfarë më sugjeroni. Faleminderit!
Mjeku: Diagnoza është e qartë. Sëmundja ka të bëjë me mungesën e prodhimit të hormonit HAD. E për pasojë organizmi nuk e koncentron dhe nuk e mban sasinë e ujit që ka nevojë trupi. Të tillë të sëmurë pinë sasi të mëdha të ujit në ditë, po ashtu kanë edhe urinim të shtuar dhe të shpeshtë. Pavarësisht ndonjë efekti anësor, nuk duhet ta lënë fëmijën pa mjekim, sepse pasojat që mund të vijnë nga kjo sëmundja janë serioze dhe të rrezikshme për jetën.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Muaji i 9 i shtatzanisë/ Cilat ushqime duhen shmangur?
Si ta parandaloj dehidratimin?
5 mënyra për të lehtësuar simptomat e gripit
