“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:Ushqimet apo ushtrimet? Çfarë të mban të shëndetshëm?
Mjeku: Një studim i ri ka treguar se konsumimi i rregullt i ushqimeve të pashëndetshme mund të rrisë rreziqet për sëmundje fatale pavarësisht nëse ushtroheni apo jo.
Në studimin e kryer nga Universiteti i Sidneit në Australi, u analizuan në të dhënat shëndetësore të pjesëmarrësve në studim.
Ato fillimisht përcaktuan se kush ndiqte një regjim ushqimor me cilësi të lartë dhe kush jo.
Një regjim ushqimor me cilësi të lartë u përcaktua të ishte ai që përfshinte të paktën katër gota e gjysmë fruta ose perime në ditë dhe të paktën dy racione peshk në javë.
Ai gjithashtu përfshinte jo më shumë se dy racione mishi të përpunuar në javë dhe më pak se pesë racione mish të kuq në të njëjtën periudhë kohore.
Nga ana tjetër, një regjim ushqimor me cilësi të ulët nuk u përmbahej këtyre parametrave dhe përkundrazi përmbante më shumë mish të kuq, ushqime të përpunuara, dhe jo mjaftueshëm fruta, perime apo peshk.
Pas analizimit të të dhënave, studiuesit zbuluan se një regjim i shëndetshëm dhe aktiviteti fizik, ulnin rrezikun e sëmundjeve fatale me 17%, ndërsa një regjim me cilësi të ulët rriste rrezikun e vdekjes së parakohshme.
Për më tepër, ata që ndiqnin një regjim jo të shëndetshëm ushqimor, kishin gjithashtu një rrezik 19% më të madh për të zhvilluar sëmundje kardiovaskulare dhe një rrezik 27% më të lartë të kancerit.
Pra studiuesit përfundimi është se nuk vlen të ushtrohen nëse nuk ushqeheni shëndetshëm.
Të ushqyerit dhe aktiviteti fizik janë pjesë e një stili jetese të shëndetshëm, të cilit duhet t’i kushtoni rëndësi maksimale.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Për të tonifikuar këmbët duhet të bëni vetëm një ushtrim!
8 rregulla bazë për ty që shkon në palestër
