“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A na dobëson uji?
Mjeku: Një studim pohon se uji na ndihmon të hamë më pak. A mund të humbim peshë vërtet nëse pimë shumë ujë?
Sipas një studimi të publikuar në Journal of Human Nutrition and Dietetics, pirja e shumë ujit lidhet me konsumimin e më pak kalorive, më pak sheqer dhe kolesterol, si dhe me konsum më të ulët të kripës.
Shkencëtarët nga Universiteti i Illinois analizuan të dhënat nga më shumë se 18,000 të rritur për gjithçka që ata thanë se hanin dhe pinin gjatë 10 ditëve.
Sasia e ujit nga individi në individ nuk ndryshonte shumë. Një rritje në konsumin ditor të ujit midis 1 dhe 3 filxhanëve u zbulua se lidhet me një ulje të marrjes totale ditore të energjisë me 69 deri në 206 kalori. 206 kalori në 17 ditë përfaqësojnë gjysmë kilogram yndyrë. Marrja e sheqerit midis 6 dhe 8 gram, natriumi midis 78 dhe 235 miligram, dhe kolesterolit midis 7 dhe 21 gram gjithashtu u ul.
“Ka dy arsye pse uji mund t’i bëjë njerëzit më të përmbajtur në ushqimin e tyre,” tha autori kryesor i studimit, Ruopeng An.
“Së pari, efekti i zëvendësimit – njerëzit pinë ujë në vend të pijeve me sheqer.” Së dyti, ndoshta ndihen të kënaqur me barkun plot me ujë, ndaj nuk hanë aq shumë ushqime”, shpjegon ai.
Hulumtimet e deritanishme kanë qenë kryesisht të ndara nëse uji ndihmon në humbjen e peshës. Jennifer Cook, një profesore e kinesiologjisë në Universitetin e York-ut në Kanada, beson se ka njëfarë të vërtete në faktin se pirja e ujit mund të zvogëlojë nevojën për kalori duke mbushur stomakun. Por, në fund, stomaku do të shtrihet sërish.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
12 Këshilla të çuditshme, jo mit, por të vërteta!
