Dy ditë nga atentati i ndodhur mbrëmjen e së dielës në Don Bosko në ambientet e lokalit të Fatjon Muratajt Policia po vijon me hetimet.
Hetuesit janë përqëndruar tek vëzhgimi i kamerave të sigurisë përgjatë gjithë itenerarit që ka ndjekur makina e autorëve që nag vendi i ngjarjes, deri në fshatin Limetaj.
Burime për mediat bëjnë me dije se deri më tani janë sekuestruar 30 kamera të sigurisë, ndërkohë nga pamjet e administruara deri në këto momente nuk e qartësojnë grupin hetimor në lidhje me detaje që mund të ndihmojnë për identifikimin e autorëve.
Të shoqëruar për ngjarjen kanë qenë disa persona, kryesisht dëshmitarë, të cilët nuk kanë dhënë ndihmë të vlefshme mbi hetimet.
As dëshmia e të plagosurve nuk ka qenë e vlefshme, pasi të gjithë kanë deklaruar se gjithçka ka ndodhur shumë shpejt dhe nuk kanë arritur të shohin autorët të cilët kanë qenë të maskuar.
Kujtojmë se ngjarja e rëndë ndodhi mbrëmjen e së dielës ku dy persona të maskuar qëlluan me breshëri kallashnikovi në drejtim të lokalit i cili është në pronësi të Fatjon Muratit.
Si pasojë e të shtënave mbeti e vdekur banakierja e lokalit, Mimoza Paja, si dhe mbetën të palgosur dhe 5 persona të tjerë dhe një fëmijë 10 vjeç, mbesa e viktimës.
VAZHDO TË LEXOSH MË TEPËR PËR TEMËN
Gjykata tregon si u lirua nga burgu Fatjon Murati
