Juristi Kreshnik Spahiu komentoi në një intervistë për Euronews Albania ngjarjen e rëndë të ndodhur dy ditë më parë në Krujë, ku të afërm të ish-deputetit të PS, Ramazan Rrahja dhunuan në mënyrë brutale 2 anëtarë të fisit Maja, nga e njëjta zonë.
Sipas tij, në zonat e Krujës, Fushë-Krujës e Mamurrasit, autoriteti i bandave bën hije më shumë se shteti dhe kjo është një dukuri që ka ardhur duke u forcuar për vite me radhë.
“Po marr dy regjime, mbretërinë dhe regjimin komunist. Në kohën e regjimit një polic i Krujës bënte zap 4 qytete, Krujë, Fushë-Krujë, Kurbin apo Mamurras, edhe në kohën e mbretërisë. Ka disa faktorë që kanë ndikuar në rënien e autoritetit të shtetit në Krujë, autoritet që në këtë rast përfaqësohet nga policia.
Kemi të kundërtën; nëse deri dje 2 policë bënin zap 5 qytet sot, 2 banda bëjnë zap 5 qytete apo bashki. Autoriteti i bandave bën hije më shumë se shteti dhe kjo nuk ndodh në një ditë, por ka ndodhur për vite me radhë që ka ardhur nga korruptimi dhe inkriminimi i shtetit”, tha Spahiu.
VAZHDO TË LEXOSH MË TEPËR PËR TEMËN
