Mediat çeke i kanë kushtuar vëmendje ngjarjes së rëndë që ndodhi sot në burgun e sigurisë së lartë në Peqin, ku u ekzekutua një i dënuar dhe u plagos një tjetër.
Kjo për shkak se autori i krimit është Sokol Mjacaj, i dënuar me burgim të përjetshëm për vrasjen e dy turistëve çekë në vitin 2015, një ngjarje që tronditi mbarë opinionin publik.
Mjacaj i armatosur me kallashnikov ndaloi çiftin e turistëve Michal Svatoš dhe Anna Kosinova në fshatin Prekalë të Shkodrës, në një tentativë grabitjeje që përfundoi me ekzekutimin e të dyve.
“Shqiptari Sokol Mjacaj, i cili vrau dy turistë çekë në veri të vendit ballkanik në vitin 2015, qëlloi shokun e tij të burgosur dhe plagosi një tjetër ndërsa ishte në burg. Mjacaj vuan dënimin me burgim të përjetshëm për vrasjen e çiftit çek”, shkruajnë gazetat çeke.
Kujtojmë se Mjacaj pasi ka vrarë Arben Lleshin dhe plagosur Indrit Shaqjan, nën kërcënimin e armës ka tentuar të bëjë pengmarrje, por nuk ia ka dalë. Ai mbajti peng stafin e burgut për rreth 1 orë nën kërcënimin e armës.
Më pas është izoluar në një nga qelitë duke kërcënuar se nëse dikush i afrohet, do ta qëllojë. Pas rezistencës, autori është dorëzuar ndërsa ngjarja është duke u hetuar nga policia.
VAZHDO TË LEXOSH MË TEPËR PËR TEMËN
