Ish-ministri i Jashtëm Paskal Milo theksoi në një intervistë se hapja e kapitujve për anëtarësimin në Bashkimin Evropian përfaqëson një hap të rëndësishëm për Shqipërinë. Ai vuri në dukje se procesi i anëtarësimit është një rrugë e gjatë, e cila nuk varet vetëm nga vullneti i qeverisë, por gjithashtu përballen me pengesa institucionale. Milo theksoi se, ndërsa ka ambicie për të përfunduar procesin deri në vitin 2030, ka disa çështje politike, si lufta kundër korrupsionit dhe reforma në drejtësi, që duhet të adresohen për të arritur këtë objektiv.
Ai gjithashtu përmendi rëndësinë e mbrojtjes së të drejtave të njeriut dhe lirisë së mediave si aspekte kyçe që do të ndikojnë në suksesin e procesit të integrimit. Sipas tij, çdo kalim nga një grup kapitujsh në tjetrin do të varet nga vlerësimi i Komisionit Evropian për përmbushjen e kritereve të vendosura.
“Nëse fillon një rrugë që do na çojë që të anëtarësohemi plotësisht në BE, kjo ka filluar sot, dhe është një rrugë relativisht e gjatë. Kryeministri ka shprehur ambicien e qeverisë për ta realizuar këtë deri në 2030. Uroj që të bëhet. E deklaruar tingëllon mirë, por që të bëhet realitet duhet punë e madhe për arsye se grup-kapitujt janë të mëdha, dhe mbi të gjitha ka disa pengesa institucionale që nuk varen nga vullneti i qeverisë. Çdo kalim nga në grup kapituj në grupin tjetër do të vendoset vetëm në momentin kur Komisioni Europian do të shqyrtojë arritjet dhe do të konkludojë që Shqipëria i ka plotësuar kriteret për këto grup-kapitujsh.
Nuk janë vetëm çështje teknike, që ka plot. Por ka dhe çështje politike të rëndësishme.
Unë do të veçoja 3-4 çështje kryesore. E para është lufta kundër korrupsionit që është kryetema. E dyta është të perfeksionohet dhe të vazhdojë reforma në drejtësia. Shqipëria të bëhet një shtet i vërtetë ligjor. Tjetër mendoj se mund të jetë çështja e të drejtave të njeriut, e medias që është problem më vete që do të jenë në qendër të vëmendjes.”
VAZHDO TË LEXOSH MË TEPËR PËR TEMËN
