Pas aksionit të policisë, që solli në shkatërrimin e një bande kriminale në Shkodër, vjen reagimi nga ministri Ditmir Bushati, njëherësh dhe deputet në këtë qark. Përmes një postimi në ‘Twitter’ Bushati iu kundërpërgjigj akuzave të opozitës, për pretendimet se ai ka lidhje me bandën ‘Bajrit’.
“Sot është një ditë e mirë për #Shkodrën falë vendosmërisë sonë në luftën me krimin. Gjuhët e përdala të atyre që krimin e duan për politikë dhe politikën e bëjnë për të kriminalizuar kundërshtarin, konfirmojnë suksesin e sotëm. #eGjithëVëmendjaShkodranëve”, shkruan Bushati.
Në një reagim në “Facebook” kreu i grupit parlamentar të PD-së, Edi Paloka nënvizoi deklaratën e policisë për përgjimet dhe pyet nëse në ndonjë përgjim ka dalë ministri i Jashtëm Ditmir Bushati, duke e akuzuar kështu Bushatin si pjesë e grupit të organizuar kriminal të Bajrave.
Postimi i Edi Palokës
Paska dale Drejtori i Policise , i emëruari i Agron Xhafajt, për të deklaruar suksesin e policisë në arrestimin e Bajrajve.
“Kemi 6 muaj që i përgjojmë”- thuhet në deklaratë.
Një pyetje kam për ata që paskan përgjuar; a ju ka dalë në ndonjë përgjim Ditmir Bushati, apo dhe atë e keni fshehur si keni bërë me përgjimet e tjera…?
VAZHDO TË LEXOSH MË TEPËR PËR TEMËN
Super operacioni ‘Oaz’/ 11 të arrestuarit e grupit të Safet Bajrit
