Kur mbeten edhe pesë gara nga fundi i kampionatit të Moto GP, titulli tashmë është vetëm një formalitet për pilotin e Honda-s, Marc Marquez, i cili ka triumfuar në garën e shtëpisë në Aragon, duke u shkëputur edhe më shumë nga Dovizioso, të cilin e la pas në vendin e dytë.
Në garën e shtëpisë, piloti spanjoll arriti të triumfojë pas një dueli “rrotë më rrotë” me rivalin e tij kryesor për titullin kampion, italianin Andrea Dovizioso.
Hats off to this guy ?@AndreaDovizioso wasn’t going down without a fight! ✊#AragonGP ?? pic.twitter.com/RIvnR79L8A
— MotoGP™??? (@MotoGP) September 23, 2018
Në podium u ngjit edhe një tjetër pilot italian, Andrea Iannone me Suzuki, që bëri një garë të mirë bashkë me shokun e tij të skuadërs Alex Rins, i katërti.
Për Marquez ky është suksesi i gjashtë në këtë Botëror, duke shkuar në 72 pikë avantazh karshi Dovizioso me 5 gara nga fundi. Vetëm vendi i tetë për Rossin, që vijon të zhgënjejë.
