Kuvendi i Shqipërisë ka pranuar kërkesën e Partisë Demokratike, për shtyrje të afateve për Komisionin Hetimor Parlamentar kundër Saimir Tahirit.
“Sot në mëngjes na ka ardhur një kërkesë nga kreu i komisionit hetimor parlamentar, zoti Paloka që është bërë publik. Më lejoni që të njoh Kuvendin lidhur me ecurinë e këtij komisioni dhe për të arritur në vendimmarrjen e këtij komisioni”, tha Ruçi.
Në një kërkesë zyrtare, kreu i këtij komisioni, Edi Paloka, kërkonte shtyrje të veprimtarisë së këtij komisioni, pasi sipas tij hetimet ishin penguar.
Më pas Kuvendi hodhi në votim kërkesën e PD, opozita nuk ishte në votim.Me 73 vota pro, 3 kundër dhe dy abstenim, është miratuar zgjatja e hetimeve për Komisionit Hetimor Parlamentar për Saimir Tahirin.
Mësohet se votat kundër ishin nga Spartak Braho, Erjon Braçe dhe Bashkim Fino. Po kështu abstenuan 2 deputetë, Alket Hyseni dhe Elena Xhina.
M.H
