Kryeministri grek Aleksis Tsipras u betua si ministër i Jashtëm, pas dorëheqjes së Nikos Kotzias, i cili dorëzoi javën e shkuar postin pas një përplasjeje në mbledhjen e qeverisë me kreun e Grekëve të Pavarur, Panos Kameno, i cili mban postin e ministrit të Mbrojtjes.
Tsipras u betua para presidentit Prokopis Pavlopulos dhe më pas u drejtua për në ministrinë e Jashtme, ku iu dorëzua zyrtarisht detyra nga Kotzias.
“Sot është një ditë simbolike dhe hisotirke pas vendimit të marrë mbrëmë në parlamentin maqedonas, që i hap rrugë zbatimit të Marrëveshjes së Prespës. Po përjetoj paradoksin e dorëheqjes dhe të qënit i lumtur“, u shpreh Tsipras gjatë ceremonisë.
Gjatë së njëjtës ceremoni, Kotzias, i hodhi poshtë duke i quajtur të neveritshme pretendimet për fonde sekrete të ngritura nga Kameno gjatë përplasjes që rezultoi me dorëheqjen e Kotsias. /Konica.al/
VAZHDO TË LEXOSH MË TEPËR PËR TEMËN
Pse dha dorëheqjen Nikos Kotzias?
