Sot në ambientet e arTurbinës” deri në datën 14 tetor në orën 20:00 vjen komedia ‘’TAG’’ që pritet të mbledhë të qeshurat e publikut. Është një komedi e krijuar nga Bashkim Hoxha në bashkëpunim me Andia Xhungën si regjizore Genc Shkodranin si skenograf, Berina Kokonën si kostumografe dhe Agim Krajkën dhe Sajmir Cilin si realizues të muzikës.
“Rutinën e një fshati të largët do ta gjallërojë ardhja e papritur e një vizitori nga qyteti. Pas një keqkuptimi të lindur në facebook, jeta e tij dhe të gjithë banorëve të fshatit, do të marrë një kuptim tjetër. Një komedi keqkuptimesh dhe situatash, ku dhe ju do te bëheni Tag”- ka shkruar regjisorja Andia Xhunga.
Vepra lidhet me jetën sociale, dhe pikërisht jeta e dyfishtë, jeta paralele midis virutalitetit dhe realitetit. Nga një anë kemi atë që jetojmë ditë për ditë, atë që e prekim , e shijojmë e shijojmë drejtpërdrejt, nga ana tjetër kemi atë të rrjeteve sociale, ku krijohet paralel një jetë e varur nga virtualieti.
Kjo varësi kthehet në ves, mani si e shpreh vepra në virus, pse jo edhe shkatërrues për shoqërinë ku paraqiten tipare skizoide të personalitetit individual dhe shoqëror, njeriu kthehet ashtu si teknologjia dhe rrethanat duan, ai e humb kuptimin e realitetit. Në kontekstin e komedisë kjo jepet në formë ironie nga kasta e aktorëve.
Dramaturgu nxitet nga një shqetësim i së përditshmes për të ndërtuar një vepër, e cila nuk të bën vetëm të qeshësh me situatat e krijuara prej ngatërresave e krijuara pikërisht nga komunikimi virtual mes njerëzve, por edhe të reflektosh mbi largësinë shpirtërore që kanë sjellë rrjetet sociale.
Në mënyrë ironike aq sa dhe satirike, autori i ka vendosur ngjarjet në një fshat, i cili i ka harruar të gjitha punët e së përditshmes, reales dhe është zhytur në “Facebook”. Këtë e realizojnë një kastë aktorësh me rolet e tyre që janë:
– Olta Daku – Meri, banakierja e fshatit
– Gert Ferra – Gerti, pronari i lokalit të fshatit
– Indrit Cobani – Toni, “çun tirone”
– Adelina Muça – Lena, mjelësja e lopëve njëkohësisht edhe “ylli i fshatit”
– Naun Shundi – Lomi, postieri i fshatit, momentalisht i papunë pasi nuk ka më postë
– Mehdi Malka – Lima, stallieri në pension
– Ardian Cerga – Lame, refugjati i sapokthyer nga Italia
– Erjona Kakeli – Anabela, adhuruesja e leximit, ëndrra e së cilës është të largohet nga fshati
– Besmir Bitraku – Miklovani, veterineri i apasionuar
– Genti Deçka – Decke, djali i bariut
Gjithashtu do të jetë dhe Rajmonda Bulku. Kjo trupë e apasionuar aktorësh po ju ripret për të rizgjuar te ju shpirtin alegrues.
VAZHDO TË LEXOSH MË TEPËR PËR TEMËN
“Tag”, komedia që na ironizon të gjithëve
