Pas lajmit për vrasjen e Konstandinos Kacifas, ka reaguar shteti grek.
Ministria e Jashtme greke ndër të tjera kërkon nga autoritetet shqiptare sqarimin e plotë të rrethanave të vrasjes së 35-vjeçarit grek.
Reagimi i plotë i Ministrisë së Jashtme greke:
“Autoritete greke në bashkëpunim me autoritet shqiptare kanë qenë në kontakt dhe kanë pasur informacion lidhur me ngjarjen në Bularat, ku dyshohet se shtetasi grek hapi zjarr ndaj policisë, e cila më pas kërkoi dhe arrestimin e tij.
Pak më parë ne u njoftuam se gjatë përplasjes së armatosur me policinë, humbi jetën shtetasi grek.
Shprehim keqardhjen tonë dhe ngushëllimin për familjarët e shtetasit grek në çdo rrethanë.
Është e papranueshme që të arrihet në një pikë humbjeje të jetëve njerëzor.
Ne presim që autoritetet shqiptare të sqarojnë plotësisht rrethanat në të cilat ky qytetar grek ka humbur jetën dhe do të ndërmerren menjëherë veprimet e nevojshme”, thuhet në reagimin e Ministrisë së Jashtme greke.
VAZHDO TË LEXOSH MË TEPËR PËR TEMËN
Ngjarja në Bularat/ Mediat greke: Shqiptarët duan kokë turku
