Fruti i arrës përmban yndyrë deri në 60%; karbohidrate, albumin, fosfor, kalium, kalcium, etj. Është i pasur gjithashtu me vitaminat C, B, P, A, vaj eterik dhe lëndë ngjyrosëse.
Arra nuk është shumë e tretshme dhe rekomandohet për t’u konsumuar sidomos, frutat e saj të njoma. Lëngu që merret pas zierjes së gjetheve të arrës përdoret për pastrimin e gjakut, kundër sëmundjeve të mushkrive, të lëkurës dhe të syve, është tonik i aparatit tretës dhe me anë të tij shërohet diarreja.
Kundër diarresë përdoret me efekt lëngu i luleve mashkullore të arrës, ndërsa kundër dhimbjeve në fyt, rekomandohen arrat me mjaltë. Gjethet e njoma dhe të freskëta të arrës, largojnë insektet, çimkat dhe milingonat nga banesat, duke qenë tepër efikase, sidomos në shtëpitë e fshatit, ku këto të fundit janë më të pranishme.
Lëngu i luleve mashkullore të arrës shërben gjithashtu për largimin e mizave nga trupi i kuajve.
Recetat kuruese të arrës:
Shëron diarrenë
Merren 5-10 gram lule mashkullore të pemës së arrës dhe më pas ziehen në 200 ml ujë. Lëngu që përftohet nga zierja pihet sa herë që paraqitet nevoja, sipas shkallës së sëmundjes te pacienti.
Ndërkohë, i njëjti lëng i gjetheve të ziera, përdoret:
Në formë lavazhi kundër sëmundjeve inflamatore gjenitale;
Në formë klizme, kundër diarresë e dizenterisë;
Për larjen e infeksioneve të lëkurës.
Kurimi i plagëve të gojës si dhe i infeksioneve të kanalit vaginal
Merren 5-15 gr gjethe arre dhe futen në 100 ml ujë. I shtojmë 5-6 gr acid borik. Pasi e ziejmë, me çajin e përgatitur i bëjmë lavazh të vazhdueshëm gojës, apo kanalit vaginal. E njëjta kurë përdoret edhe për të mbajtur të butë lëkurën e trupit, sidomos atë të fëmijëve.
Kjo kurë bëhet disa ditë rresht. Arrat janë ushqim shumë i mirë për fëmijët, sidomos kundër anemisë, si edhe kundër rënies së flokëve, për të cilat do të flasim më poshtë.
Kundër rënies së flokëve
Në një sasi afro 1 litër ujë hedhim 30-40 gr gjathe arre dhe lëvore degësh të njoma të saj. Kjo përftesë zihet në ujë të valuar për rreth çerek ore. Më pas, me të shpërlahet koka çdo mbrëmje, vazhdimisht për disa ditë.
Për heqjen e kallove
Merren 60-80 gr lëvore e njomë e arrës dhe zihet mirë, në 500 ml ujë për më pak se një orë. Pasi lihet pak me këtë lëng, shpërlahen këmbët në pjesët e kallove, çdo gjysmë ore. Ky veprim përsëritet 2-3 ditë derisa kallot të zhduken krejt.
Për gurët në fshikëzën e tëmthit
Mbushim me kujdes një lugë gjelle me gjethe të thata e të thërrmuara të arrës, 1 lugë gjelle bishtash qershie, 1 lugë gjelle me mustaqe misri dhe 1 lugë gjelle me gjethe të freskëta të hithrit.
Këto 4 elementë zihen në temperaturë të lartë në 1 litër ujë. Më pas, enën e mbulojmë, e lëmë për 2 orë që të kullohet dhe tretësirën e përftuar e konsumojmë si çaj. Pas ushqimit, këtij çaji rekomandohet që t’i shtohet edhe pak mjaltë.
Anemia
Marrim një çerek kg arra të qëruara, një çerek kg mjaltë natyral dhe një çerek kg kajmak qumështi. Këto të tria i përziejmë mirë e mirë derisa të bëhen si krem dhe e konsumojmë periodikisht nga 2 herë në ditë, nga 1 lugë gjelle për të rriturit dhe nga 2 herë në ditë nga 1 lugë kafeje për fëmijët.
Produkti i mësipërm mund të shërbejë si një ushqim tepër i ushqyeshëm edhe për njerëzit me shëndet normal.
Kurimi i prostatës
Merren 2 lugë gjelle të kripthit të arrive dhe vihen të valojnë në gjysmë litri verë, për afro 5 minuta. Tretësira e përftuar lihet të pushojë për 10 minuta, kullohet dhe pihet nga një filxhan çaji gjatë ditës, e ëmbëlsuar sipas deshirës.
Infektimi i vaginës
Në një enë me ujë të valuar, fusim rreth 50 gr gjethe të arrës. Ky produkt mbulohet dhe lihet për afro 90 minuta në vend të errët. Më pas, kjo tretësirë përdoret herë pas here për shpërlarjen e organit gjenital të femrës.
Arra e kokosit gjithashtu është një frut ekzotik i cili ka veti të mira kurative. Ajo forcon potencën në përgjithësi dhe atë seksuale në veçanti, si dhe liron dhimbjet në kurriz. Përdoret kryesisht lëngu dhe tuli i frutit të saj, me një konsumim të njejtë për disa ditë rresht.
VAZHDO TË LEXOSH MË TEPËR PËR TEMËN
Limoni dhe vlerat e tij kurative!
