Këshilltari kryesor për Sigurinë Kombëtare i presidentit të Shteteve të Bashkuara të Amerikës, Donald Trump, John Bolton ka njoftuar, të martën pas mesnate, ka pasur takim në Shtëpinë e Bardhë me presidentin e Kosovës, Hashim Thaçi.
Boltoni, që e kundërshton fuqishëm pavarësinë, në një postim në Twitter nuk ka përmendur fjalën shtet, por “palë”, kur ka folur për Kosovën e Serbinë.
“E takova presidentin e Kosovës, Hashim Thaçi në Shtëpinë e Bardhë. U pajtuam që tani është koha për të arritur një marrëveshje ndërmjet Kosovës dhe Serbisë. SHBA-ja është e gatshme t’u ndihmojë të dyja palëve për të arritur këtë qëllim historik”, ka shkruar Bolton.
Ish-ambasadori i SHBA-së në OKB është i vetmi zyrtar i lartë amerikan, që ka thënë se shteti i tij do të përkrahë shkëmbimin e territoreve nëse për këtë pajtohen Kosova dhe Serbia. /Konica.al/
VAZHDO TË LEXOSH MË TEPËR PËR TEMËN
‘Pa SHBA, Gjermani dhe Rusi nuk ka marrëveshje’
‘Amerika s’ka ndryshuar qëndrim për Kosovën’
