Në familjen e Konstandinos Kacifas sot kanë ardhur për vizita për të ndjerin si dhe për të marrë pjesë në ceremoninë mortore shumë grekë dhe personalitete, përfshirë edhe kreun e PBDNJ-së Vangjel Dule.
Ai ka bërë një koment për gazetarët duke kërkuar zbardhjen e plotë të së vërtetës. Dule u shpreh se ndan dhimbjen me gjithë komunitetin grek.
“Jemi sot në radhë të parë në këto momente të cilat janëm omentet e varrimit dhe si pasojë janë të shenjta. jemi këtu për të ndarë dhimbjen me gocën e Konstandinos, me mamanë dhe babain dhe gjithë komunitetin. Jemi këtu për të shprehur nderimin ndaj të ndjerit por në të njëjtën kohë dhe vendosmërinë. Vendosmërinë që e vërteta duhet të ndriçohet deri në fund. Transparenca e kësaj çështjeje, zbardhja e saj është me rëndësi jetike. Ajo mund të vonojë por natyrisht që nuk do të humbasë”, ka thënë kreu i PBDNJ-së, Dule.
VAZHDO TË LEXOSH MË TEPËR PËR TEMËN
Varrimi i Kacifas/ Greqia thirrje qytetarëve për vetëpërmbajtje
