Presidenti i Republikës Ilir Meta, në qëndrimin e tij në Paris me ftesën e presidentit francez Emanuel Macron në Forumin e Paqes, si dhe për ceremoninë e 100 vjetorit të Armëpushimit të Luftës së Parë Botërore (LIB), është takuar sërish me homologun e tij italian Sergio Matarellan.
Takimi i parë zyrtar midis dy presidentëve u bë disa ditë më parë në Kalabri të Italisë, ku presidenti Meta zhvilloi disa takime me arbëreshët atje, me rastin e 550 vjetorit të vdekjes së heroit kombëtar Gjergj Kastriot Skënderbeut.
Nëpërmjet një statusi në faqen e tij zyrtare në rrjetin social Facebook, presidenti Meta shkruan se edhe në Paris së bashku me Presidentin italian po kujtonin mbresat e paharruara në takimin historik të para disa ditëve në Kalabri.
Postimi i plotë
“Edhe në Paris me Presidentin e Italisë, Sergio Mattarella duke ndarë mbresat e paharruara dhe emocionet e takimit historik me arbëreshët në Kalabri.”, shkruan në postimin e kreut të shtetit.
VAZHDO TË LEXOSH MË TEPËR PËR TEMËN
Meta në Kalabri takon…një Kastriot futbollist
