Kryeministri i vendit Edi Rama, e ka nisur ditën e sotme me një video të situatës në zonën e Astirit, që do të preket nga projekti Unaza e Re.
Duke i uruar ndjekësve në rrjetin social Facebook një ditë të mbarë, ai bën të ditur se kjo zonë ka një problematikë me zaptues të pronave dhe se po të njëjtët kërkojjnë dëmshpërblim për zaptimin.
Kryeministri thotë se në këtë çështje janë shfaqur edhe disa kategori sipas tij e zaptuesve që kërkojnë dëmshpërblim për zaptimin e trojeve.
Sipas Ramës, s’ka asnjë shans që paligjshmëria të dëmshpërblehet me taksat e qytetarëve.
Statusi i plotë:
MIRËMËNGJES
Dhe me këtë pasqyrë sqaruese të situatës ligjore në Unazën e Re, ku ndër ata që e quajnë veten në “proces legalizimi”, janë shfaqur edhe një kategori e panjohur më parë e zaptuesve profesionistë të trojeve publike a private, ju siguroj se s’ka asnjë shans që paligjshmëria të dëmshpërblehet me taksat tuaja dhe ju uroj një ditë të mbarë.
