Ditën e sotme kreu i Bashkisë së Tiranës, Erion Veliaj, ka falenderuar përfaqësinë e banorëve të zonës së Astirit, të cilët i janë përgjigjur thirrjes së tiij për bashkëpunim.
Veliaj, ju drejtohet të gjithë banorëve që preken nga projekti i zhvillimit të Unazës së Madhe dhe që morën pjesë në takimin me të, në mënyrë nominale me anë të një statusi në rrjetet sociale.
Më tej kryebashkiaku ju kërkon tashmë gjithë komunitetit të kësaj zone që të mbajë fjalën e dhënë dhe të lejojnë zhvillimin e qytetit.
“Faleminderit Ukës nga Tropoja, Gëzimit nga Burreli dhe hoxhës së Astirit, Diamantit nga Kukësi – përfaqësues të familjeve nga Unaza e Re që bashkëpunuan për të ardhmen e kryeqytetit. Pres nga sot që burrash të mbajmë fjalën – ata për prishjet e ne për kompesim e sistemim”, shkruan kryetari i Bashkisë së Tiranës në twitter.
Gjatë këtij takimi përfaqësia e banorëve të zonës së Astirit ra dakord që të bashkëpunojë për të mundësuar ndërtimin e një rrugë sipas të gjitha standardeve, duke çliruar në të njëjtën kohë edhe trafikun e makinave.
Kryebashkiaku Veliaj garantoi shpronësim për të gjithë ata që i kanë shtëpitë me letra dhe sigurimin e banesave sociale pa afat dhe bonus qiraje për tre vite për të gjithë pjesën tjetër.
VAZHDO TË LEXOSH MË TEPËR PËR TEMËN
