Ka shumë arsye të rëndësishme për t’u vaksinuar. Bisedoni me mjekun për t’u siguruar që jeni të azhurnuar në vaksinat që janë të duhura për ju.
A e dini se vaksinat nuk janë vetëm për fëmijët? Të rriturit kanë nevojë për to gjatë gjithë jetës së tyre! Shumë të rritur nuk janë në dijeni të vaksinave që mund të kenë nevojë dhe nuk po përfitojnë nga mbrojtja më e mirë nga disa sëmundje serioze, ndonjëherë vdekjeprurëse.
Bisedoni me mjekun për t’u siguruar që jeni i azhurnuar në vaksinat e rekomanduara. Këtu janë disa arsye të rëndësishme për të vaksinuar!
Vaksinat ruajnë jetën. Sëmundjet e parandalueshme nga vaksina mund të shkaktojnë sëmundje afatgjate, shtrimin në spital, madje edhe vdekjen. Mosvaksinimi mund të ju bëjë të ndjeshëm ndaj sëmundjeve të tilla si gripi, sëmundjes pneumokokale, dhe herpes.
Vaksinat gjithashtu mbrojnë nga sëmundjet si papillomavirusi i njeriut (HPV) dhe hepatiti B.
Ju mund të zvogëloni mundësinë e përhapjes së sëmundjes. Shumë sëmundje të parandalueshme nga vaksinat janë ngjitëse, si gripi, pertusis (kollë e keqe) dhe meningjiti. Marrja e vaksinave të rekomanduara mund të zvogëlojë rrezikun që ju të sëmureni dhe të përhapni sëmundje tek të tjerët. Disa njerëz mund të mos jenë në gjendje të marrin disa vaksina të bazuara në moshë, kushte shëndetësore ose faktorë të tjerë edhe pse janë të cenueshëm ndaj sëmundjes.
Ju ndihmoni në mbrojtjen e tyre duke u vaksinuar!
A pini duhan apo keni një gjendje kronike shëndetësore të tillë si astma, diabeti, zemra apo sëmundja e mushkërive?
Të rriturit me këto kushte, dhe sistemet imunitare të dobëta, kanë më shumë gjasa të zhvillojnë komplikime nga disa sëmundje të parandalueshme nga vaksina. Këto komplikacione mund të përfshijnë sëmundje afatgjate, hospitalizime dhe madje edhe vdekje.
Të rriturit që marrin një sëmundje të parandalueshme nga vaksina përballen me kostot financiare të vizitave mjekësore dhe trajtimit. Vaksinat mund t’ju ndihmojnë të qëndroni të shëndetshëm dhe të mbroni përsonat që ju rrethojnë.
Mbroni shëndetin tuaj kur udhëtoni. Nëse po shkon drejt botës në zhvillim, mund të ekspozoheni ndaj sëmundjeve që nuk qarkullojnë në vendin tonë.
Për shembull, vaksinimi i etheve të verdha është i nevojshëm për të udhëtuar në pjesë të Afrikës sub-sahariane dhe në Amerikën e Jugut tropikale.
