Unë jam një fëmijë i epokës së Luftës së Ftohtë; Mbaj mend pamjen e fytyrës së babait tim gjatë Krizës së Raketave Kubane të vitit 1962. Megjithatë terrorizmi nuk është asgjë në krahasim me holokaustin bërthamor.
Kështu unë pata një ndjesi jo të mire, që më rikthente pas në kohë, kur po lexoja një artikull të titulluar “Si të fitojmë Luftën e ardhshme të Amerikës” në botimin e pranverës të revistës Foreign Policy. Artikulli u shkrua nga Elbridge Colby, i cili ishte zyrtari kryesor i Pentagonit në zhvillimin e Strategjisë Kombëtare të Mbrojtjes 2018.
Thelbi ishte që ushtria duhet të zhvendosë fokusin e saj kryesor larg luftës kundër terroristëve dhe shteteve mashtruese për t’u përgatitur për të luftuar Rusinë dhe Kinën.
Rusia dhe Kina, përsëri? Rusia gjithnjë e më shumë ka luajtur rolin e të keqit, duke u përpjekur të prishë zgjedhjet demokratike. Ndërkohë, Kina kërkon të dominojë rrjetet globale të teknologjisë. Të dy vendet (dhe Shtetet e Bashkuara, për këtë çështje) po e shndërrojnë internetin në një zonë kibernetike.
Por, derisa lexova artikullin e Colby, nuk e kisha kuptuar shkallën në të cilën Rusia dhe Kina i kanë ringjallur dhe riorganizuar ushtritë e tyre për të kërcënuar Pax Americana që ka garantuar tregtinë globale të lirë dhe përhapjen e demokracisë që nga Lufta e Dytë Botërore.
Me fundin e Luftës së Ftohtë, Shtetet e Bashkuara u bënë, për një kohë, fuqia dominuese ushtarake e planetit.
Por vitet e fundit, ndërsa ishim duke u marrë me luftëra të vogla, në Afganistan dhe Irak, Rusia dhe Kina po ndërtonin sisteme armatimi që shpejt mund të shkatërronin bazat tona.
Pavarësisht nga titulli “Si të fitojmë Luftën e ardhshme të Amerikës”, artikulli i Colby ofron pak sugjerime se si të përballohet një sulm kinez apo rus. Megjithatë, nuk është çështja që të angazhohen në një luftë, por për të shmangur një të tillë.
E vetmja situatë ku Shtetet e Bashkuara do të luftonin në të vërtetë është nëse Kina apo Rusia pushtonin territore, vendet baltike ose Tajvanin, për shembull.
VAZHDO TË LEXOSH MË TEPËR PËR TEMËN
Rusi-Kinë bashkojnë forcat kundër SHBA-së
Kina duhet të heqë dorë sa është në kohë…
