Fernando Alonso ka korrur një titull tjetër, ketë herë në botërorin e World Endurance Championship (WEC).
Piloti spanjoll triumfoi sot në garën 24-orëshe të La Manshit me makinën Toyota TS050 Hybrid së bashku me kolegët Sebastien Buemi dhe Kazuki Nakajima.
Ky është viti i dytë radhazi që Alonso me shokë triumfon në këtë garë historike të automobilizmit, sukses që i jep titullin kampion.
Këtë sezon, në 8 garat e botërorit WEC, Alonso korri 5 vende të para, 2 herë u rendit i dyti dhe një herë u skualifikua.
Gjithsesi, këtë herë triumfi në garën 24-orëshe të La Mansh ishte me fat. Deri 1 orë para fundit të garës, makina me nr.8 e Alonso ishte në vendin e dytë.
60 minutat e fundit të garës për makinën tjetër Toyota, atë të pilotëve Lopez, Conway e Kobayashi, ishin të vështira. Makina e tyre pati një problem teknik, duke u detyruar të hapë krahun dhe të renditet në vendin e dytë, pasi e dominoi garën për 23 orë.
#8 @Toyota_Hybrid TS050 wins the 24 Hours of Le Mans for the second time this Super season!
Well done to @alo_oficial, @kazuki_info and @Sebastien_buemi!#WEC #SuperFinale #LeMans24 pic.twitter.com/fEgnzaxiRc— 24 Hours of Le Mans (@24hoursoflemans) June 16, 2019
Tashmë për Alonso do të nisë një aventurë e re në karrierën e tij. Garat Rally janë një mundësi, por edhe rikthimi në Formula 1 është një tjetër opsion për të ardhmen e pilotit spanjoll.
VAZHDO TË LEXOSH MË TEPËR PËR TEMËN
Kampioni i Moto GP modifikon motorrin!
