Presidenti rus Vladimir Putin ftoi përsëri Presidentin e SHBA Donald Trump të vizitojë Moskën në vitin e ardhshëm, sipas Kremlinit, që zbuloi sot përshëndetjet e festave nga Putinit për udhëheqësit e huaj të postuara të hënën.
“Në një mesazh urimi për Krishtlindje dhe Vitin e Ri për Presidentin e Shteteve të Bashkuara të Amerikës Donald Trump, Vladimir Putin vuri në dukje se Rusia dhe SHBA ishin historikisht përgjegjëse për të sigurinë dhe stabilitetin global, dhe se Moska kërkon normalizimin e marrëdhënieve bilaterale dhe një dialog të bazuar në respektimin e ndërsjellë të interesave “, thuhet në deklaratë.
“Presidenti i Rusisë rikonfirmoi gjithashtu ftesën e tij për Donald Trump për të vizituar Moskën për të marrë pjesë në festimet e 75-vjetorit të Fitores në Luftën e Madhe Patriotike.”
Urimet dhe ftesa e Putinit vijnë pasi Kremlini të dielën publikoi një thirrje telefonike midis Trump dhe Putin në të cilën të dy diskutuan “çështje me interes të ndërsjellë” dhe arritën një marrëveshje për “të vazhduar bashkëpunimin dypalësh në luftën kundër terrorizmit”.
Shtëpia e Bardhë tha se Putin e thirri Trump për ta falënderuar atë për informacionin që Shtetet e Bashkuara i dhanë, duke e ndihmuar në parandalimin e një sulmi të mundshëm terrorist në Rusi”.
“Të dy Presidentët u angazhuan për vazhdimin e bashkëpunimit kundër terrorizmit midis dy vendeve,” tha zëdhënësi i Shtëpisë së Bardhë Hogan Gidley në një deklaratë. “Presidentët diskutuan gjithashtu gjendjen e marrëdhënieve midis Shteteve të Bashkuara dhe Rusisë dhe përpjekjet e ardhshme për të mbështetur kontrollin efektiv të armëve.”
Hera e fundit që një president amerikan vizitoi Rusinë ishte në vitin 2013, kur Presidenti i atëhershëm Barack Obama mori pjesë në samitin ekonomik të G20 në Shën Petersburg.
Ish Presidenti George W. Bush mori pjesë në paradë, e cila shënoi 60 vjetorin e fitores ndaj Gjermanisë naziste, në 2005.
Parada e majit 2020 do të shënojë 75-vjetorin. Në 1995, Presidenti i atëhershëm Bill Klinton shkoi në Rusi për të marrë pjesë në festime. Duke protestuar kundër përdorimit të forcës së Rusisë në Çeçeni, Klinton dhe udhëheqësit e tjerë botërorë bojkotuan një paradë ushtarake në Moskë. Më vonë, ai mori pjesë në Paradën e Sheshit të Kuq, i cili në atë kohë nuk paraqiste pajisje ushtarake.
Përkthyer dhe përshtatur nga CNN/ konica.al
VAZHDO TË LEXOSH MË TEPËR PËR TEMËN
2019, vit edhe më i vështirë për Putinin…
2019 do të jetë viti i Trumpit?!
14 arsye pse Trump nuk duhet të jetë më president
