Me përfshirjen në luftën civile Siriane në 2015, Rusia ka kërkuar të pozicionohet si një lojtar kryesor në Lindjen e Mesme.
Tani Moska ka një shans të ri për ta forcuar atë rol. Presidenti rus Vladimir Putin do të kërkojë të forcojë pozitën e vendit të tij në Lindjen e Mesme pas vendimit të administratës Trump për të vrarë liderin ushtarak iranian Qassem Suleimani javën e kaluar dhe sulmit raketor të Iranit në bazat ajrore amerikane në Irak të Martën, që po e çojnë Iranin dhe Shtetet e Bashkuara në prag të luftës.
Situata e i ofron Putin mundësi të reja për të arritur dy nga qëllimet e tij afatgjata: sulmi ndaj besueshmërisë së SHBA-së dhe zgjerimin e ndikimit të Rusisë në të gjithë Lindjen e Mesme.
“Putin është jashtëzakonisht oportunist. Prandaj ai do të kërkojë të shfrytëzojë çdo mundësi për të dëmtuar reputacionin e Uashingtonit në rajon, “tha Andrea Kendall-Taylor, që më parë ka shërbyer si zv.oficer i zbulimit kombëtar për Rusinë dhe Euroazinë në Këshillin Kombëtar të Inteligjencës.
Në thirrjet telefonike me homologët e tij amerikanë, iranianë, kinezë dhe turq, Ministri i Jashtëm rus Sergei Lavrov dënoi vrasjen dhe e quajt atë si një shkelje të rëndë të ligjit ndërkombëtar.
“Gjëja e fundit që Putini dëshiron është të detyrohet të zgjedhë një anë në Lindjen e Mesme,” tha Anna Borshchevskaya, anëtarja e lartë e Institutit të Uashingtonit për Politikat e Lindjes së Afërt, një grup me qendër në Uashington.”
Vrasja e kreut të forcave Quds në një sulm me avion amerikan në aeroportin e Bagdadit në 3 janar ka të ngjarë të testojë aftësinë e Moskës për të qenë mike me të gjithë lojtarët kryesorë në rajon.
Të mërkurën, Putin udhëtoi për në Stamboll për t’u takuar me Presidentin turk Rexhep Tajip Erdogan për të diskutuar për përshkallëzimin e tensioneve në Lindjen e Mesme. Të shtunën, Putini do të presë kancelaren gjermane Angela Merkel në Moskë për të biseduar për krizën. Të dyja, Rusia dhe Gjermania janë ndër vendet që kanë kërkuar të mbështesin marrëveshjen bërthamore iraniane pas tërheqjes së SHBA nga marrëveshja në vitin 2018.
“Moska po përpiqet të luajë këtë rol si një lojtar i besueshëm dhe i qëndrueshëm në Lindjen e Mesme dhe kjo sigurisht ndihmon kauzën e saj,” tha Julia Sveshnikova, një eksperte dhe këshilltare e Lindjes së Mesme në PIR Center, në Moskë.
Kremlini ka treguar prej kohësh aftësinë për të shfrytëzuar krizat në të gjithë botën për objektivat e saj strategjikë, që nga Ukraina në Afrikën e Veriut në Siri.
Pavarësisht reagimit rus për vrasjen e Suleimanit, Moska nuk ka premtuar ndonjë veprim konkret në mbështetje të Teheranit, dhe analistët thonë se Putin nuk ka gjasa të mbështesë çdo përpjekje iraniane për hakmarrje.
Sipas Adlan Margoev, një analist për marrëdhëniet ruso-iraniane në Institutin Shtetëror të Moskës për Marrëdhënie Ndërkombëtare, një universitet i drejtuar nga ministria e Jashtme ruse “është një situatë e vështirë për Moskën, por kjo është normale në një farë mënyre. E gjithë Rusia është duke u marrë me situata të vështira në Lindjen e Mesme. “
Reid Standish është një bashkëpunëtor i Alfa dhe korrespondent special i Politikës së Jashtme që mbulon Rusinë dhe Euroazinë.
Amy Mackinnon është gazetare e Foreign Policy.
Përkthyer dhe përshtatur nga Foreign Policy/ konica.al
VAZHDO TË LEXOSH MË TEPËR PËR TEMËN
Kush ishte Qassem Soleimani, “komandanti në hije” i Iranit?
Luftë apo diplomaci? Kjo është dilema e Amerikës!
“Irakianët festojnë mungesën e gjeneralit Soleimani”
