Telefoni celular i Jeff Bezos u hakua pasi në vitin 2018 ai mori një mesazh në WhatsApp nga princi i kurorës së Arabisë Saudite.
Miliarderi i Amazon kishte marrë një mesazh nga numri i telefonit personal i Mohamed Bin Salman, i cili përmbante “një video dokument të rrezikshëm”.
Sipas ekzaminimit të telefonit më pas, mesazhi u dërgua më 1 maj të vitit 2018 dhe supozohet se brenda disa orësh, u nxor një sasi e madhe e të dhënave nga telefoni i Bezos.
Tetë muaj më pas u publikua edhe afera e miliarderit me Lauren Sanchez/
Gjithsesi, nuk ka detaje se çfarë lloj të dhënash u morën. Në atë kohë, Bezos dhe bin Salman kishin shkëmbyer mesazhe miqësore.
Për një kohë të gjatë, paratë dhe strategjitë e Mbretërisë Saudite fokusoheshin kryesisht tek roli i saj katastrofik në luftën në Jemen, kryesuar nga vetë Mohamed bin Salman, dhe abuzimet e të drejtave të njeriut.
Pastaj, në tetor 2018, Jamal Khashoggi hyri në konsullatën Saudite në Stamboll. Brenda pak minutash, gazetari kishte vdekur. Pas mohimeve se ai ishte vrarë, Riadi e përshkroi vrasjen e tij si një operacion të paplanifikuar, duke dënuar më vonë një numër zyrtarësh. Në qershor të vitit të kaluar, raportuesja e posaçme e Kombeve të Bashkuara,Agnès Callamard publikoi një raport ku thuhej se kishte “prova të besueshme” se trashëgimtari saudit dhe zyrtarë të tjerë të lartë ishin përgjegjës për vrasjen,.
Tani Callamard dhe kolegu i saj David Kaye, thonë se shqetësohennga informacionet që kanë marrë në lidhje me përfshirjen e mundshme të princit të kurorës në hakimin e telefonit të Bezos. Ata kërkojnë një hetim të menjëhershëm nga SHBA dhe të tjerët.
Ende nuk është përcaktuar nëse incidenti ka të bëjë me vrasjen e Khashoggit, një kritik i qeverisë Saudite që shkruante për Washington Post, e cila është në pronësi të Bezos.
Megjithatë, shumë prej atyre që kanë pozuar buzëqeshur përkrah mbretit të ardhshëm janë pa dyshim në rrezik për sa i përket sigurisë së tyre dixhitale.
Partnerët e sauditëve tani duhet të pyesin veten e tyre: me shokë si këta, kush ka nevojë për armiq?
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
Si ndikoi vrasja e gazetarit në marrëdhëniet Turqi-A.Saudite?
Para princit saudit, Trump është i dobët…
Bota nuk do e harrojë horrorin e vrasjes së Khashoggit
