Përgjatë vitit 2019 pati një zgjerim të eksporteve “Made in Albania” dhe diversifikimi i tyre nga disa sektorë mbështeti rritjen ekonomike të Shqipërisë.
Banka Botërore, institucioni më i rëndësishëm ndërkombëtar në ekzaminimin e treguesve ekonomikë për të gjitha vendet e botës, publikoi këtë javë raportin “Perspektiva globale ekonomike”, ku citon se “rritja e eksportit në Shqipëri, kontribuoi në një moderim të rritjes përafërsisht 3.2% në vitin 2019”.
Raporti shkruan se, “në Ballkanin Perëndimor pati një ngadalësim në investimet publike në Kosovë, të prodhimit (Serbi), dhe rritje e eksportit (Shqipëria, Serbia) që kontribuoi në një moderim në rritje përafërsisht 3.2% në vitin 2019”.
Sipas vlerësimeve në raportin e Bankës Botërore, energjia kryesoi eksportet shqiptare, por citon raporti “Faktorët e përkohshëm që lidhen me motin dhe prodhimin e energjisë zbehën lehtë aktivitetin në Shqipëri, ndërsa kërkesa e lartë për import për projekte të investimeve publike ka kontribuar negativisht në eksportet neto në Malin e Zi.
Në Europën Lindore, rritja e prodhimit industrial është zbutur, duke reflektuar ulje të theksuar në prodhim në një kohë kur rritja e eksportit është ngadalësuar, veçanërisht në Bjellorusi.”
VAZHDO TË LEXOSH MË TEPËR PËR TEMËN
“30 taksa ndaj biznesit”, çfarë thotë studimi i BB për Tiranën
‘Duart’ e krimit në ‘fytin’ e biznesit shqiptar
