Në Iran kanë shpërthyer protestat, pasi Garda Revolucionare pranoi të qëllonte aksidentalisht një aeroplan pasagjerësh në një kohë të rritjes së tensioneve me Shtetet e Bashkuara.
Rrëzimi i aeroplanit të mërkurën vrau të gjithë 176 personat në bord, kryesisht iranianë dhe iranian-kanadezë.
Pasi fillimisht e konsideruan një problem teknik dhe këmbëngulën që forcat e armatosura nuk ishin fajtore, autoritetet të Shtunën më në fund pranuan se e qëlluan atë aksidentalisht, pas akuzave nga liderët perëndimorë.
Irani filloi të hakmerret pasi qëlloi raketa balistike në dy baza në Irak ku strehoheshin forcat e SHBA. Sulmi me raketa balistike, i cili nuk shkaktoi viktima, ishte një përgjigje ndaj vrasjes së gjeneralit Qassem Soleimani, gjeneralit të lartë të Iranit, në një sulm ajror amerikan në Bagdad.
Iranianët kanë shprehur zemërimin për rrëzimin e aeroplanit dhe shpjegimet mashtruese të zyrtarëve. Ata janë gjithashtu duke vajtuar të vdekurit, në mesin e të cilëve ishin një numër i madh i të rinjve me të ardhme premtuese që studionin jashtë vendit.
Qindra studentë u mblodhën në Universitetin Shahid Beheshti të Teheranit të dielën për të vajtuar viktimat dhe protestuar kundër autoriteteve për fshehjen e shkakut të përplasjes, raportoi agjensia gjysmë zyrtare e lajmeve ISNA. Ata më vonë u shpërndanë në mënyrë paqësore.
Një ceremoni të shtunën vonë në Teheran u shndërrua në një protestë, me qindra njerëz duke brohoritur kundër liderëve të vendit, përfshirë udhëheqësin suprem Ayatollah Ali Khamenei, dhe policia i shpërndau ata me gaz lotësjellës.
Policia ndaloi për pak kohë ambasadorin britanik në Iran, Rob Macaire, i cili tha se shkoi me qëllimin për të marrë pjesë në vigjilje dhe nuk e dinte se do të shndërrohej në një protestë.
Ai tha se u arrestua 30 minuta pasi u largua nga zona.
Britania tha se i dërguari i tij u arrestua “pa arsye ose shpjegime” dhe në “shkelje flagrante të ligjit ndërkombëtar”.
Ministria e Jashtme e Iranit tha se ishte në pritje të një raporti nga policia për arrestimin.
Tensionet me Shtetet e Bashkuara u lehtësuan pas sulmit me raketa balistike, kur Presidenti Donald Trump nuk pranoi të përgjigjet dhe mirëpriti vendimin e dukshëm të Iranit për të qetësuar situatën.
VAZHDO TË LEXOSH MË TEPËR PËR TEMËN
Kush ishte Qassem Soleimani, “komandanti në hije” i Iranit?
Vrasja e gjeneralit iranian, reagon Donald Trump
Luftë apo diplomaci? Kjo është dilema e Amerikës!
