Pas suksesit në disa zgjedhje rajonale, përfshirë Umbrian, partia e Lidhjes së Matteo Salvini dështoi fundjavën e kaluar për të fituar në rajonin verior të Emilia-Romagna, i cili ka votuar për të majtën që nga Lufta e Dytë Botërore.
Salvini ishte siguruar që kjo betejë të merrte një rëndësi kombëtare.
Me vetëbesimin karakteristik, ai harxhoi kapital politik për një fitore befasuese kundër Partisë Demokratike (PD). Shpresa ishte të shkaktonte zgjedhje të përgjithshme.
Në vend të kësaj, udhëheqësi i Lidhjes e gjeti veten përballë një lëvizje antipopuliste, “Sardelet”, mitingjet e mbështetësve të të cilëve eklipsuan vazhdimisht mitingjet e tij në numër dhe sheshe.
Rezultati siguron një forcë morale të nevojshme për të majtën, pasi kërkon të zgjasë jetën e qeverisë së brishtë të koalicionit të Italisë. Por lehtësimi mund të jetë i përkohshëm.
Javën e kaluar, Ministri i Jashtëm, Luigi Di Maio, dha dorëheqjen si udhëheqës. Salvini ka kështu disa arsye për të qenë i gëzuar.
Megjithatë PD duhet të reflektojë se si mundi të shmangej katastrofa. Në veçanti, duhet të përpiqet të mësojë nga ndikimi i lëvizjes “Sardelet”. Të konceptuar si një protestë qytetare, “Sardelet” e mposhtën Salvinin me karizëm dhe kreativitet. Sheshet me turma, pankartat me peshhq, mbartnin një tërheqje subversive, pak surrealiste.
Në orët e para të mëngjesit të së hënës, kreu i PD, Nicola Zingaretti, shprehu mirënjohjen e tij për lëvizjen.
Ata treguan se si karikaturat, stereotipet dhe sulmet verbale mund të sulmojnë populizmin e djathtë në Itali dhe gjetkë.
Në mars, themeluesit e lëvizjes planifikojnë një konferencë kombëtare në Napoli për të diskutuar të ardhmen e saj.
PD dhe e majta e qendrës së Italisë do të bënte mirë ta mbështeste lëvizjen. Noti me Sardelet ndihmoi që të vazhdonte “festa” nën ujë në Emilia-Romagna.
Përkthyer dhe përshtatur nga The Guardian
Për më shumë lajme, vizitoni www.konica.al
VAZHDO TË LEXOSH MË TEPËR PËR TEMËN
“Sardelet” janë një mësim jo vetëm për Italinë!
‘Sardelet’ nuk ndalen/ Protestuesit ‘pushtojnë’ Romën
Italianët i kishin humbur shpresat, derisa…
