Emmanuel Macron sapo ka kaluar gjysmën e mandatit të tij presidencial dhe elitat metropolitane të Francës tashmë janë shumë të dëshpëruara për zgjedhjet e ardhshme.
Sado mirë të “performojë” në skenën globale, ai nuk duartrokitet më në shtëpi. Macron mund të humbasë në vitin 2022.
Partia e Marine Le Pen mund të fitojë. Dhe ky do të ishte një tërmet politik. Tronditja do të ndihej përtej kufijve të Francës. Duhet të kujtojmë se rrallëherë Macron kënaqet me veten e tij.
Vlerësimet e miratimit të presidentit kanë rënë në 30%. Ka pasur një kolaps besimi. Më shumë se tre të katërtat e të anketuarve besojnë se reformaa e pensioneve është vonuar. Por më shumë se gjysma mbështesin grevat. La République en Marche, lëvizja e krijuar nga Macron në 2017, ka të ngjarë të humbasë në zgjedhjet komunale të muajit të ardhshëm. Partia në pushtet mund të humbasë edhe në Paris, ku Macron siguroi 90 përqind mbështetje në 2017.
Shumë nga kritikat e Macron përqendrohen në stil më shumë sesa në përmbajtje. Aleatët e presidentit pranojnë se ai ka humbur mbështetjen e votuesve të tanishëm socialist që kanë frikë nga shkatërrimi i kontratës unike sociale të Francës.
Sidoqoftë, Macron ka bërë pak për të kundërshtuar narrativën populiste se reformat përfaqësojnë marshimin e neoliberalizmit. Ndërkohë, Le Pen ka marrë mbështetje si nga jelekverdhët, ashtu edhe nga mbështetësit e majtë të populistit Jean-Luc Mélenchon. Ajo po synon votuesit e majtë.
Për mendimin tim është shumë shpejt të dëshpëroheni për perspektivat e Macron. Presidenti do të kërkojë të joshë të djathtën tradicionale, si dhe një pjesë të konsiderueshme të së majtës së vjetër. Por ai duhet të ketë kujdes!
Macron ka pasur të drejtë në recetat e tij për Francën; dhe gabim në mënyrën se si i ka administruar ato.
Përkthyer dhe përshtatur nga Financial Times/ konica.al
VAZHDO TË LEXOSH MË TEPËR PËR TEMËN
‘Mposhtet’ Macron, Le Pen kryeson në sondazhe
‘Më shumë Evropë’ do të thotë më shumë vështirësi për BE-në
