Para se të merrja postin 100 ditë më parë, unë “u trondita” nga guximi i brezit të ardhshëm të Evropës.
Të premten, unë e pashë dhe e dëgjova këtë përsëri me zë të lartë pasi mijëra të rinj dolën në rrugët e Brukselit, për të kërkuar veprime urgjente për planetin tonë.
Kjo gjeneratë dëshiron të lëvizë shpejt, dhe ata kanë të drejtë. Sepse para nesh janë tranzicionet binjake ekologjike dhe dixhitale. Ata do të ndikojnë tek ne të gjithë, kudo ku jetojmë, dhe çfarëdo që të bëjmë.
Ata do të transformojnë mënyrën se si udhëtojmë, bëjmë dhe konsumojmë gjëra. Ata do të krijojnë mundësi të reja për novatorët, ndërmarrësit dhe industrinë e Evropës.
Por ne e fillojmë këtë tranzicion, në një botë gjithnjë e më të ndërlikuar. Përvoja e fundit na ka kujtuar pse ata thonë se një javë është kohë shumë e gjatë në politikë.
Ditët e kaluara, unë isha në Greqi dhe Bullgari për të parë situatën në kufijtë tanë dhe për të ofruar solidaritetin evropian, mbështetje financiare dhe teknike. Ajo theksoi edhe një herë nevojën për të gjetur një zgjidhje humane, efektive dhe gjithëpërfshirëse për migracionin.
Një ditë para kësaj unë isha në qendrën tonë të menaxhimit të krizave, duke përcaktuar mënyrat e ndryshme, me të cilat Evropa mund të ndihmojë në zbutjen e ndikimit të koronavirusit.
Kjo javë na tregon nevojën që Evropa të jetë më e fortë, më e bashkuar dhe më strategjike në mënyrën se si mendon, vepron dhe flet. Ne gjithashtu duhet të krijojmë partneritete dhe aleanca të reja, si ajo që do të zbulojmë me Afrikën në ditët e ardhshme. Dhe duhet të forcojmë disa të tjera, siç po bëjmë me Ballkanin Perëndimor.
Kur bëhet fjalë për të ardhmen e planetit tonë, politika e të qenurit shumë e kujdesshme është më e rrezikshmja nga të gjitha.
Kjo është arsyeja pse një nga veprimet tona të para ishte fillimi i Marrëveshjes së Gjelbër Evropiane. Në zemër të tij është qëllimi për ta bërë Evropën kontinentin e parë neutral ndaj klimës deri në vitin 2050. Vetëm këtë javë ne propozuam ta shndërronim atë ambicie në legjislacion.
Por Marrëveshja e Gjelbër Evropiane është më shumë se kaq, është strategjia jonë e re e rritjes. Do t’u japë investitorëve siguri dhe do të ndihmojë ekonomitë tona të rriten në një mënyrë që u jep më shumë njerëzve, planetit dhe shoqërisë, sesa i heq.
Ne e dimë që për disa ndryshimi do të jetë më i vështirë sesa për të tjerët. Kjo është arsyeja pse ne propozuam të veçojmë 100 miliardë € për të siguruar një tranzicion të drejtë për të gjith, veçanërisht për ata që do të duhet të bëjnë një hap më të madh se shumica.
Unë besoj në teknologji dhe atë që mund të bëjë për ta bërë jetën tonë më të lehtë, nga kujdesi për familjen deri tek komunikimi me miqtë. Dhe unë e di se çfarë mund të bëjë teknologjia për të krijuar vende të reja pune, aftësi dhe për të ndihmuar kompanitë evropiane të rriten.
Por nëse Evropa do të jetë një udhëheqëse dixhitale, ne duhet të zhvillojmë kapacitetet tona, si dhe ligjet tona. Ne kemi nevojë për inovacion dhe teknologji evropiane për të konkurruar.
Ne mund t’i kuptojmë plotësisht mundësitë e tranzicionit, nëse fokusohemi tek pikat tona të forta dhe diversitetin tonë.
Ne gjithmonë do të punojmë për drejtësi, të mbështesim vlerat tona dhe të kujdesemi për gjërat për të cilat njerëzit me të vërtetë interesohen. Kjo është arsyeja pse ne kemi paraqitur tashmë një strategji të re për barazinë gjinore dhe kemi filluar hapin e parë të planit të Evropës për të mposhtur kancerin.
Kështu që po, një javë është një kohë e gjatë në politikë.
Por 100 ditë është vetëm koha, për të ndërmarrë hapat e parë të mëdhenj në udhëtimin tonë.
Do të ketë probleme gjatë rrugës dhe ne do të testohemi, por gjithmonë duhet të kemi “shpirtin” dhe “frymën” e brezit të ri të Evropës gjatë rrugës.
Kjo është koha jonë dhe udhëtimi fillon tani.
Përkthyer dhe përshtatur nga EU news/ konica.al
VAZHDO TË LEXOSH MË TEPËR PËR TEMËN
“Marrëveshja e gjelbër”, premtimi i Ursula von der Leyen
‘Detyrat’ e Ursula von der Leyen
A mund t’i mbajë premtimet pasuesja e Juncker?
