Prokurori Besnik Cani nuk do të jetë më anëtar i Këshillit të Lartë të Prokurorisë. Në mbledhjen e kësaj të mërkure KLP ka shpallur vakancën për postin e Canit duke kërkuar nga prokuroria e përgjithshme të hap garën për zëvendësimin e tij.
Cani u shkarkua pak ditë më parë nga posti i prokurorit për shkak të pasurisë, vendim i kolegjit të apelimit çka solli edhe humbjen e mandatit si anëtar KLP-je. Cani erdhi në këtë post pas një votimi mes prokurorësh të cilët e përzgjodhën atë si përfaqësuesin e tyre në KLP në kohën e drejtimit të kryeprokurores Arta Marku.
Me marrjen e vendimit nga KLP për shpalljen e vakancës pritet që kryeprokurori Olsian Çela të firmos mbledhjen e përgjithshme të hetuesve të cilët do duhet të zgjedhin brenda tyre zëvendësuesin e Canit.
Një tjetër vendim i KLP-s ka qenë edhe emërimi i përkohshëm i prokurores Mirela Kapo si anëtare magjistrate pranë Inspektorit të Lartë të Drejtësisë. Ndërkohë që pritet konstituimi i KLP-s edhe me anëtarin e saj të 11 në këtë këshill pritet që brenda muajit mars të mbërrij edhe emri i kreut të byrosë kombëtare të hetimit i cili duhet të marrë votat e anëtarëve të KLP.
VAZHDO TË LEXOSH MË TEPËR PËR TEMËN
“KLP, SPAK jemi të nënfinancuar në mënyrë dramatike”
