Ndonëse Italia është e gjitha një “zonë e kuqe”, pasi është kthyer në vatrën më të rrezikshme të koronavirusit, vijon lëvizja e qytetarëve.
Mësohet se këtë paradite nga aeroporti i Rinasit, sapo ka mbërritur një avion nga Roma. Një pjesë e qytetarëve ishin pajisur me maska dhe dezinfektues, por kishte dhe nga ata që nuk kishin marrë asnjë masë.
Ndërkohë, dy fluturime të tjera nga Roma në Tiranë, që do të mbërrinin pasditen e sotme, janë anuluar. Por, nuk janë ndalur fluturimet edhe nga Tirana drejt Italisë, ku një avion është nisur në orët e paradites së sotme dhe dy të tjerë pritet të nisen gjatë pasdites.
Kujtojmë se të gjithë qytetarët që kanë ardhur nga Italia në Tiranë janë të detyruar të vetëkarantinohen, ndryshe do të gjobiten nga institucionet përkatëse.
VAZHDO TË LEXOSH MË TEPËR PËR TEMËN
Koronavirus ‘prek’ industrinë e udhëtimit në Kinë
Flybe, “viktima” e parë dhe jo e fundit e COVID-19
Koronavirusi/ Në 24 orët e fundit 70 viktima
